- विकेटनेपाल, बैशाख-१९
बुधबार देखि काठमाडौँमा सुरु भएको मनमोहन मेमोरियल अन्डर-१६ क्रिकेट प्रतियोगिता अन्तर्गत दोश्रो दिनको खेलमा प्रदेश-३ र प्रदेश-७ ले जित दर्ता गरेका छन्।
प्रदेश-३ ले दोश्रो जित दर्ता गर्ने क्रममा कर्णाली प्रदेशलाई ८ विकेटले तथा पहिलो जित दर्ता गर्ने क्रममा प्रदेश-७ ले गण्डकी प्रदेशलाई ४ विकेटले पराजित गर्यो। गण्डकीले हिजो प्रदेश-३ संग पनि पराजय बेहोरेको थियो।
दिपक बोहराको उत्कृस्ट अल-राउण्ड प्रदर्शनमा प्रदेश-३ को जित
टियु मैदानमा सम्पन्न पहिलो खेलमा टस जितेर ब्याटिंग रोजेको कर्णाली प्रदेशले निर्धारित ३० ओभरमा २३ ओभरमै सबै विकेट गुमाएर ९६ रनको योगफल तयार गर्यो। ९७ रनको लक्ष्य प्रदेश-३ ले ११.१ ओभरमा २ विकेट गुमाएर पुरा गर्यो।
जितमा यु-१६ राष्ट्रिय क्रिकेटर समेत रहेका दिपक बोहराले बलिंगमा ५ विकेट ( ५-०-१२-५ ) र ब्याटिंगमा ३५ रन ( २४ बलमा ७ चौका ) बनाए । यस्तै अइस भट्टराईले अविजित ३१ रन बनाए।
गण्डकीको दोश्रो हार
दिनको दोश्रो खेलमा टस जितेर ब्याटिंग गरेको गण्डकीले २०.५ ओभरमा ९० रनमा सम्पूर्ण विकेट गुमाउन पुग्यो। ९१ रनको लक्ष्य प्रदेश-७ ले २२.५ ओभरमा ६ विकेट गुमाएर पुरा गर्यो।
प्रदेश-७ को जितमा ब्याटिंगमा संदेश भट्टले ३८ र अनिल थापाले २३ रन तथा बलिंगमा सचिन बदायकले ३ विकेट र सुवास ऐयरले २ विकेट लिए। नितेश गिरिले ३ विकेट लिए पनि गण्डकीलाई जित दिलाउन सकेनन्।
अंकतालिका
Group A
| S.N | Region | Played | Won | Loss | NR | Points | Net. Run rate |
| 1. | Province No. 3 | 2 | 2 | 0 | – | 4* | |
| 2. | Province No. 7 | 1 | 1 | 0 | – | 2 | |
| 3. | Karnali Province | 1 | 0 | 1 | – | 0 | |
| 4. | Gandaki Province | 2 | 0 | 1 | – | 0 |
भोलिको खेल :- पहिलो खेल – प्रदेश १ Vs प्रदेश २ , दोश्रो खेल – प्रदेश ७ Vs कर्णाली प्रदेश
प्रतियोगिता बैशाख १८ देखी २४ गते सम्म सञ्चालन हुनेछ ।
प्रतियोगितामा सहभागी सात टोलीलाई दुई समूहमा विभाजन गरी लिग कम नकआउट प्रणालीमा खेलाईएको छ । दुई समूह मध्येका शीर्ष दुई टोली सेमिफाईनलमा प्रवेश गर्ने छन् । समूह ‘ए’ मो प्रदेश ७, गण्डकी प्रदेश, प्रदेश ३ र कर्णाली प्रदेश रहेका छन् भने समूह ‘बी’ मा प्रदेश २, प्रदेश १ र प्रदेश ५ रहेका छन्।
प्रतियोगिताको विजेता टोलीले ५ लाख प्राप्त गर्ने छ । विजेताले २ लाख ५० हजार नगद साथै २ लाख ५० हजारको खेलकुद सामग्री प्राप्त गर्ने आयोजकले जनाएको छ । त्यस्तै उप विजेता टोलीले १ लाख २५ हजार नगद र सो सरहको खेलकुद सामग्री पाउने आयोजकले जनाएको छ ।
