डीपीएललाई जगशक्तिको ७ लाख प्रायोजन, सबै खेल दर्शकले प्रत्यक्ष हेर्न पाउने

• विकेटनेपाल – माघ १८. काठमाडौँ

बहुप्रतिक्षित धनगढी प्रिमियर लिगको प्रत्येक खेलहरु दर्शकहरुले प्रत्यक्ष हेर्न पाउने भएका छन् l मंगलबार काठमाडौँमा आयोजित सम्झौता कार्यक्रममा डीश होम स्पोर्ट्स र आयोजक धनगढी क्रिकेट एकेडेमी बीच लिगको सबै खेलको प्रत्यक्ष प्रशारण गर्ने सम्झौतामा हस्ताक्षर भएको छ l

सोहि कार्यक्रममा धनगढी क्रिकेट एकेडेमी र जगशक्ति स्टिल बीच प्रतियोगिताको सह-प्रायोजन बारे पनि सम्झौता भयो l

सम्झौता अनुसार जगशक्तिले आयोजकलाई एशोसियट प्रायोजकको रुपमा सात लाख रुपैया प्रदान गर्नेछ। सम्झौतामा हस्ताक्षर गर्दै जगदम्बा ईन्टरप्राईजेजका प्रबन्ध निर्देशक उदयप्रकास मिश्रले प्रतियोगितासँग जोडिन पाउँदा आफुहरु उत्साहित रहेको बताए। नेपाली खेलकुदको विकासको लागि निजी क्षेत्रले सहयोग गर्नु अपरिहार्य रहेको बताउँदै उनले आगामी दिनहरुमा पनि खेलकुदको विकासमा आफुहरुले निरन्तर सहयोग जारी राख्ने प्रतिबद्धता जनाए।

आयोजक धनगढी क्रिकेट एकेडेमी (डिसिए) र डिस होमका पदाधिकारि विच मंगलवार प्रतियोगिताको प्रत्यक्ष प्रशारण सम्बन्धी सम्झौता भएको छ। डिपिएलको प्रत्यक्ष प्रशारण गर्ने सम्झौतामा हस्ताक्षर गर्दै डिस होमका प्रबन्ध निर्देशक कल्याण श्रेष्ठले आफुहरुले प्रतियोगिताको प्रत्यक्ष प्रशारणको तयारी सुरु गरिसकेको बताए।

कार्यक्रममा धनगढी क्रिकेट एकेडेमीका अध्यक्ष सुबाश शाहीले क्रिकेट अघि बढ्नु भनेको उद्योग पनि अघि बढ्नु हो जसले देशलाईनै अघि बढाउने बताउनुभयो l

सगरमाथा सिमेण्ट आगामी चैत्र ५ गते देखि धनगढीमा हुदैछ। प्रतियोगितामा धनगढी टिम चौराहा, कंचनपुर आइकोनिक, बिराटनगर किंग्स, काठमाडौँ गोल्डेन्स र सीवाईसी अत्तरिया गरि ६ बिभिन्न सहरका टोलिले सहभागिता जनाउने छन् l

प्रतियोगिताको लागि केहि अघि मात्रै खेलाडीहरुको अक्सन मार्फत टुंगो लगाईएको थियो l चैत्र ५-१९ सम्म संचालन हुने धनगढी प्रिमियर लिगको बिजेताले नेपाली क्रिकेट इतिहासकै सर्बाधिक १५ लाख रुपैया तथा उपविजेताले रु. ७ लाख पाउनेछ l