दिल बहादुर बोहराको ब्याटिंग मदतले डडेलधुरा फाइनलमा

करिब १ बर्ष अघि आईपीएल टिम किंग्स-११ पन्जाब टिमको बन्द सत्रमा परेको भनि चर्चा कमाए पनि दिल बहादुर बोहराले रास्ट्रिय टिमको बन्दसत्रमा भने प्रभाब पार्न सकेनन् l

डोटीको खप्तड मैदानमा भइरहेको दोश्रो एकता कप क्रिकेट प्रतियोगितामा भने आफ्नो स्थानीय टिम डडेल्धुरालाई फाइनल सम्म पुर्याउन बोहराले महत्वपूर्ण पारि खेलेका छन् l

स्थानीय प्रतिष्ठित प्रतियोगिताको आज सम्पन्न सेमीफाइनल खेलमा बोहराले ३० बलमा ४ छक्का र २ चौका मदतले ४३ रन बनाएर आफ्नो टिमलाई ८ विकेटको सहज जित दिलाउन महत्वपूर्ण भूमिका खेले l

महेन्द्रनगरको रास्ट्रिय खेलाडीहरुले सम्पन्न टिम बड्डा सप्लायर्सले टस जितेर पहिले ब्याटिंग गर्दै दिएको १०४ रनको लक्ष डडेल्धुराले १२.४ ओभरमानै पुरा गर्यो l लक्ष पछ्याउन खेलको म्यान अफ द म्याच चुनिएका बोहराले ४३, रोशन नेपालीले ३१, सन्तोष भट्टले १२ तथा आयुश्मन बमले १२ रनको योगदान दिएका थिए l

यु-१९ रास्ट्रिय क्रिकेटर ललित सिंह भण्डारीले बड्डा सप्लायर्सको लागि सर्बाधिक २ विकेट हात पार्न ४ ओभरमा २८ रन खर्चिए l

पहिले ब्याटिंग गरेको बड्डा सप्लायर्सको लागि टिमका अर्का यु-१९ रास्ट्रिय क्रिकेटर योगेन्द्र सिंह कार्कीले २७ रन योगदान दिए l भिम सार्कीले सर्बाधिक ३० रन प्रहार गर्न १९ बल मात्रै खर्चे जसमा ४ चौका र १ छक्का सामेल थियो l दिपेन्द्र चन्दले २९ रन बनाए l

डडेल्धुरा बलर धर्म थापाले सर्बाधिक ३ विकेट लिंदा सन्तोष भट्ट, कमल ऐरीले २/२ विकेट हात पारे l

14872437_1080880495360124_16831803_n

बुधबारनै सम्पन्न दोश्रो सेमीफाईनल खेलमा योगेश्वर युवा क्लबले श्रृजनशिल क्रिकेट क्लबलाई १९ रनले पराजित गर्यो l

टस जितेर श्रृजनशिलले योगेश्वर युवा क्लबलाई ब्याटिंग गर्ने निम्तो दियो l योगेश्वर युवा क्लबले निर्धारित २० ओभरमा १६७/८ को स्कोर खडा गर्यो l

योगेश्वरको लागि शंकर द्वारिया सर्बाधिक ४४ ( २ चौका, ४ छक्का ) तथा प्रनित थापाले २४ रन योगदान दिए l श्रृजनशिल बलर महेश अधिकारीले सर्बाधिक ३ विकेट तथा नारायण जोशी र सिफ्टेन् अन्सारीले २ विकेट हात पारे l

प्रतिउत्तरमा सृजनशीलले पुरै २० ओभरमा ९ विकेट क्षतिमा १४८ रन मात्रै बनाउन सक्यो र खेल १९ रनले हार्न पुग्यो l बसन्त कार्कीले ३९, गणेश शाहीले २० तथा रोशन अधिकारीले १५ रन योगदान दिए l

बलिंग तर्फ पनि ४ विकेट लिएका शंकर द्वारिया म्यान अफ द म्याच चुनिए l रमेश शाहुले पनि ३ विकेट आफ्नो नाम गरे l

प्रतियोगिताको फाइनल खेल बिहिबार डडेल्धुरा स्पोर्ट्स क्लब र योगेश्वर युवा क्रिकेट क्लब बीच संचालन हुनेछ l

बिजेता टोलिले १ लाख र उपविजेता टोलिले ५० हजार रुपैया पाउनेछन् l डोटीमै यति धेरै पुरस्कार राशीको प्रतियोगिता पहिलो पटक आयोजना गरिएको हो l





थप समाचार

नरेन चम्किंदा आर्मी एमएम कपको फाइनलमा

विभागीय टोलि त्रिभुवन आर्मी क्लब बिराटनगरमा जारि एमएम कप एकदिवसीय राष्ट्रिय प्रतियोगिताको तेश्रो संस्करणको फाइनल प्रवेश गरेको छ। डिफेन्डिङ च्याम्पियन […]

दिल्लीलाई हराउँदै बैंग्लुरु शीर्ष स्थानमा उक्लियो

काठमाडौं । रोयल च्यालेन्जर्स बैंग्लुरुले आइतबार दिल्ली क्यापिटल्समाथि ६ विकेटको सानदार जित हात पार्दै यस सिजनको आईपीएल तालिकाको शीर्ष स्थानमा […]

एमएम कप : एपीएफद्वारा बागमती पराजित

बिराटनगरमा जारि तेश्रो संस्करणको एमएम कप एकदिवसीय रास्ट्रिय प्रतियोगिता अन्तर्गत दोश्रो दिनको खेलमा विभागीय टोलि शशस्त्र प्रहरी बल ( एपीएफ […]

एमएम कप : नरेनको अलराउण्ड प्रदर्शनमा आर्मीको जित

मनमोहन स्मृति कप एकदिवसीय राष्ट्रिय क्रिकेट प्रतियोगिता ( एमएम कप ) को तेश्रो संस्करण बिराटनगरमा सुरु भएको छ। मनमोहन मेमोरियल […]

महिला विश्वकप एसिया छनोट खेल्न नेपाली टोली घोषणा

काठमाडौं। आइसिसी महिला विश्वकप एसिया छनोट खेल्न इन्दु बर्माको कप्तानीमा १४ सदस्यीय टोली घोषणा गरेको छ। नेपाल क्रिकेट संघ (क्यान)ले […]

पूजाले पाइन् उपकप्तानीको जिम्मेवारी

काठमाडौं। नेपाली महिला राष्ट्रिय क्रिकेट टोलीको उपकप्तानी पूजा महतले गर्ने भएकी छन्। नेपाल क्रिकेट संघ (क्यान)ले शुक्रबार पूजालाई उपकप्तानको जिम्मेवारी […]