गणपति क्रिकेट टिम ( राजविराज ) ले दोश्रो मधेश प्रिमियर लिगको उपाधि जितेको छ l सप्तरीको राजविराजमा संचालित प्रतियोगिताको फाइनलमा गणपतिले मेसु लंका क्रिकेट टिमलाई ५ विकेटले पराजित गर्यो l
प्रतियोगिताको उत्कृस्ट खेलाडी गणपतिका विजय भारती, उत्कृस्ट ब्याट्सम्यान अमल दास ( गणपति ) तथा उत्कृस्ट बलर गणपतिकै दिपेन्द्र ऐरी घोषित भए l बिजेता टोलिले १ लाख रुपैया पायो l सद्भावना पार्टीका अध्यक्ष राजेन्द्र महतोले बिजयी खेलाडीहरुलाई पुरस्कार प्रदान गरेका थिए l
टस जितेर फाइनलमा ब्याटिंग गरेको मेसु लंकाले निर्धारित २० ओभरमा १२७/८ को स्कोर बनायो l गणपतिको तर्फ बाट दिपेन्द्र ऐरीले सर्बाधिक ३ विकेट हात पारे भने स्थानीय स्टार खेलाडी मेहबुब आलम र विजय भारतीले २/२ विकेट हात पारे l ब्याटिंग तर्फ मेसुका बिधान गोस्वामीले ३०, शेखर झाले २६ रन योगदान दिए l
१२८ रनको लक्ष पछ्याएको गणपतिले १८.३ ओभरमै लक्ष पुरा गर्यो l अमल दासले सर्बाधिक ४७, राजेश सिंगले २१ तथा मेहबुब आलमले २० रन बनाए l मेसुका बलर रबिन सिंह र बिटु कुमारले २/२ विकेट हात पारे l
