- विकेटनेपाल, भैरहवा, ११ माघ
लुम्विनी लायन्स क्रीकेट क्लव बुटवललाई ३१ रनले हराउदै गोलपार्क क्रीकेट क्लव भैरहवामा जारी नेपाल टेलीकम जिल्ला रुपन्देही सुपर लिग अन्तर्गत मगंलवारको खेलमा बिजयी भएको छ । ‘ए’ डिभीजनमा पुग्न भने गोलपार्कले अझ एक खेल जित्नु पर्ने छ।
टस जितेर ब्याटिंग गरेको गोलपार्क निर्धारित ३५ ओभरको खेलमा १ सय २१ रनमा अल आउट भए पनि लुम्विनीले उक्त लक्ष्य पुरा गर्न सकेन।
लुम्विनी ३२.१ ओभरमा ९० रनमै समेटियो। गोलपार्कका अरविन्द सारुले ४१ , बिनीत पौडेलले अविजित ३४ र कमल श्रेष्ठले २० रन जोडे।
लुम्विनीका बिनीत काफ्ने र बिसाल भुसालले ४/४ बिकेट तथा सरन रसाईलीले २ बिकेट लिए ।
लुम्विनीकालागि बिनीत काफ्लेले २७ र धिरेन राकेसले १९ रन बनाए पनि जितकालागि पर्याप्त हुन सकेन । खेलको म्यान अफ द म्याच गोलपार्कका बिनीत पौडेल घोषीत भए ।
भैरहवा स्थित शिद्धार्थ रगंसालामा जारी प्रतियोगीतामा बुधवार एपेक्स क्रीकेट क्लव संकर नगर र साई ग्लोवल क्रीकेट क्लव भैरहवा बिच प्रतिस्पर्धा हुने छ । बुधबारको बिजेता डिभीजन ‘ए’ मा प्रबेश गर्नेछ ।
नेपाल टेलिकमको प्रमुख प्रायोजन र बुम रेमिटको सहप्रायोजनमा जारी प्रतियोगिता फागुन ४ गते सम्म सचांलन हुने छ । प्रतियोगीताका बिजेताले ५० हजार, उपबिजेताले २५ हजार, उत्कृस्त खेलाडीले १० हजार, उत्कृस्त बलर र उत्कृस्त ब्याट्सम्यानल दुबैले ५/५ हजार नगद पुरस्कार पाउने छन् । प्रतोयोगितामा रुपन्देहीका सात वटा ‘ए’ डिविजन क्लब र १२ बटा बि डिभीजनका क्लबहरुले भाग लिएका छन् ।
सम्बन्धित :-
