Sudurpaschim Province vs Gandaki Province Live



गणेश-प्राणमाया यु-१९ टि-२० को सेमीफाइनल समीकरण पुरा

  • विकेटनेपाल, २१ भदौ

प्रथम गणेश बहादुर—प्राणमाया चित्रकार स्मृति कप यु-१९ क्रिकेट प्रतियोगिता अन्तर्गत क्वाटर फाईनल सम्मका खेलहरु बुधबार सम्पन्न भएका छन। वाईवाई ग्रेट हिमालयन क्रिकेट एकेडेमी, काठमाण्डौ क्रिकेट ट्रेनिङ सेन्टर ( केसिटिसी) र हिमालयन क्रिकेट एकेडेमी सेमी फाईनलमा प्रबेश गरेका छन् । ओमेगा कलेज यस अघिनै सेमिफाईनल प्रबेश गरिसकेको छ ।

टुडिखेलमा  सम्पन्न प्रथम क्वाटर फाईनल खेलमा हिमालयन क्रिकेट एकेडेमीले काठमाण्डौ क्रिकेट ट्रेनिङ सेन्टर ‘ए’ लाई ७ वीकेटले पराजित गरेको थियो। हिमालयनले टस जितेर फिल्डिङ रोज्दा ब्यटिङ गर्ने निम्तो पाएको काठमाण्डौ क्रिकेट ट्रेनिङ सेन्टर ‘ए’ ले निर्धारित २० ओभरमा ९ वीकेट गुमाउदै ८८ रन बनाएको थियो ।  ट्रेनिङ सेन्टर ‘ए’ का निर्बिक पाठकले सर्वाधिक २६ रन बनाएका थिए। ८९ रनको बिजय लक्ष्य पछ्याउदै मैदानमा उत्रेको हिमालयनले १७.४ ओभर खेल्दै ३ विकेटको क्षतीमा ९२ रन बनाउदै सेमी फाईनलको यात्रा तय गर्यो। हिमालयनका अमृत थापाले २६ र रोशन अधिकारीले २३ रनको योगदान दिएका थिए । म्यान अफ द म्याच घोषित हिमालयनका सन्दिप खड्काले ४ ओभरमा २ ओभर मेडन गर्दै १३ रन खर्चेर ३ वीकेट लिए भने प्रतिश जी.सी.ले २ विकेट लिएका थिए ।

सुधिर चौधरी

नेक्सस क्रिकेट एकेडेमीको आयोजनामा संचालन भैरहेको यु-१९ क्रिकेट प्रतियोगिता अन्तर्गत बुधबारनै सम्पन्न भएको दास्रो खेल ग्रेट हिमालय  ‘बी’ लाई ९ वीकेटले हराउदै काठमाडौँ क्रिकेट ट्रेनिंग सेन्टर ‘बि’ सेमीफाईनल प्रबेश गरेको छ । टस जितेर पहिलो व्यटिङ गरेको ग्रेट हिमालय ‘बी’ १९.१ ओभरमा अलआउट हुदै ५३ रनमा समेटिएको थियो । उसको लागि रामकृण कार्कीले मात्र १३ रन बनाए भने अन्य ब्याट्सम्यानहरुको दोहोरो अंक बनाउन नसक्दा टिम कमजोर बनेको थियो । जवाफी ब्याटिङमा उत्रेको केसिटीसीले ७ दशमलब ५ ओभरमा १ विकेट गुमाउदै लक्ष्य भेट्टाएको थियो । म्यान अफ द म्याच घोषित केसिटीसीका सुधिर कुमार चौधरीले २३ बल खेल्दै ४ चौकाको मद्दतले सर्बाधिक ३२ रन बनाए भने आदिल खानले १६ रन बनाएका थिए । बलिङतर्फ केसिटीसीका प्रतिक कान्त र दिलिप यादबले समान २/२ विकेट लिन सफल भएका थिए ।

त्यस्तै मंगलबार बर्षा कारण स्थगित भएको ग्रेट हिमालय क्रिकेट एकेडेमी र मध्य पश्चिम क्रिकेट क्लब कोहोलपुर बीच भएको खेलमा ग्रेट हिमालयन १० विकेटले बिजयी भयो ।

२३ गते शुक्रबार सम्पन्न हुने सेमी फाईनलको पहिलो खेल ओमेगा कलेज ललितपुर र काठमाण्डौ क्रिकेट ट्रेनिङ सेन्टर बीच हुनेछ भने दास्रो खेल ग्रेट हिमालयन क्रिकेट एकेडेमी र हिमालयन क्रिकेट एकेडेमी बीच हुनेछ ।

( फिचर फोटो – टिम काठमाडौँ क्रिकेट ट्रेनिंग सेन्टर )





थप समाचार

ICCWCL2 : स्कटल्याण्डद्वारा नामिबिया पराजित

घरेलु टोलि नामिबियालाई ४ विकेटले पराजित गर्दै विश्वकप लिग-२ अन्तर्गत त्रिकोणात्मक सिरिजको पहिलो खेलमा स्कटल्याण्डले विजयी सुरुवात गरेको छ। सिरिजमा […]

U19 National : निर्मलको ५ विकेटमा लुम्बिनीको चौंथो जित, गण्डकी जितमा सुबासको ६ विकेट

अन्डर-१९ राष्ट्रिय प्रतियोगिता अन्तर्गत बिहिबार सम्पन्न दुई खेलमा लुम्बिनी प्रदेश र गण्डकी प्रदेश विजयी भएका छन्। प्रदेश नम्बर-१ लाई ६ […]

नेपाल टि-२० लिगबाट कान्तिपुर गोर्खाज बाहिरियो, लिग फेरी सर्ने

यही डिसेम्बर १२ तारिख ( मङ्सिर २६ गते ) देखि काठमाडौँमा आयोजना हुने नेपाल टि-ट्वान्टी लिगबाट काठमाडौँ गोर्खाज टिमले नाम […]

नेत्रहीन टी-२० विश्वकप : नेपाल भारतसँग भिड्ने

आगामी डिसेम्बर ४ देखि १७ (मंसिर ५ देखि १९ सम्म) भारतमा आयोजना हुने नेत्रहीन टी-२० विश्वकप क्रिकेटमा नेपालले पहिलो खेल […]

लुम्बिनीको जितमा दुर्गेशको अलराउण्ड प्रदर्शन, नरेनको ५ विकेटमा सुदूरपश्चिमको लगातार पाँच जित

काठमाडौँमा जारि अन्डर-१९ राष्ट्रिय प्रतियोगिता अन्तर्गत बुधबार सम्पन्न दुई खेलमा लुम्बिनी प्रदेश र सुदूरपश्चिम प्रदेश विजयी भएका छन्। टियु मैदान […]

धमलालाई राखेको निमित्त सदस्यसचिवको जिम्मेवारी

काठमाडौं, मंसिर १३- राष्ट्रिय खेलकुद परिषद् (राखेप) का बोर्ड सदस्य अञ्जन धमलाले मंगलबार राखेपको निमित्त सदस्यसचिवको जिम्मेवारी पाएका छन् । […]