चम्किए जितेन्द्र मुखिया, आर्मी र पुलिस सेमीफाइनलमा

jitendra mukhiya
  • विकेटनेपाल, १३ जेठ

योर्कर किंग जितेन्द्र मुखिया एक्लैले ६ सुदुरपश्चिम ब्याट्सम्यानलाई पाखा लगाएपछि त्रिभुवन आर्मी क्लब सहज जितको साथ प्रधानमन्त्री कप प्रतियोगिताको सेमीफाइनल प्रबेश गरेको छ l

स्कोरकार्ड, अंकतालिका 

समुह ‘बि’ बाट यसअघिनै नेपाल पुलिस क्लब सेमीफाइनलमा स्थान बनाईसकेको छ भने पूर्वान्चल र सुदुरपश्चिमाञ्चलले जितको स्वाद नचाखी पहिलो चरणबाट बाहिरीएका छन् l

त्रिभुवन बिश्वबिद्यालय क्रिकेट मैदानमा सम्पन्न खेलमा सुदुरपश्चिमाञ्चलको टस जितेर पहिले ब्याटिंग गर्ने निर्णयलाई आर्मी बलरहरुले सुरुवात देखि गलत ठहर्याए l दोश्रो ओभरमा ओपनर सुरेन्द्र चन्दलाई विकेटकिपर राजु रिजालको हातबाट क्याच थमाएपछि सुरुभएको सुदुरपश्चिमाञ्चलको पतन रोकिने नाम लिएन l रोशन नेपाली ( ४ ) , विजय राना ( ० ) , सन्तोष भट्ट ( ६ ) , बसन्त कार्की ( ० ) , अनिल थापा ( ० ) लाई जितेन्द्र मुखियालाई मुखियाले लगातार स्पेलमा पेभेलियन फर्काएपछि सुदुरपश्चिमाञ्चलको पुरै टिम २२ ओभरमा कुल ५० रनमै पेभेलियन फर्कियो l

मुखियाले १० ओभरको स्पेलमा ३ मेडन ओभर सहित मात्र २२ रन खर्चिएर ६ विकेट हात पार्दै रास्ट्रिय क्रिकेटमा आफ्नो उत्कृस्ट बलिंग स्पेल दर्ता गरे l सागर पुनले ३ विकेट ( ६-१-१०-३ ) तथा सुशन भारिले १ विकेट हात पारे l

नवौ नम्बरमा ब्याटिंग गरेका बसन्त खत्रीले २० रन बनाउनु बाहेक अन्य सुदुरपश्चिम ब्याट्सम्यानहरुले दोहोरो अंकमा रन बनाउन सकेनन् l खत्रीले १ छक्का र १ चौका प्रहार गरे जो बाहेक इनिंगमा अन्य ब्याट्सम्यानहरुले बललाई सीमारेखा कटाउन सकेनन् l

५१ रनको लक्ष आर्मीले ६.३ ओभरमा लक्ष भेटायो l सागर पुन र अनिल मण्डल समान १० रन बनाएर आउट हुँदा बिनोद भण्डारीले २१ तथा नरेश बुढायरले ६ रन बनाउदै टिमलाई जितसम्म डोर्याए l

प्रतियोगिता अन्तर्गत भोलि आइतबार त्रिभुवन आर्मी क्लब र नेपाल पुलिस क्लब बीच हुनेछ जसले समुहको बिजेता को हुने तय गर्नेछ l

 





थप समाचार

क्यानका अध्यक्ष चन्दसहित ५ जना पदाधिकारीको राजीनामा माग

नेपाल क्रिकेट सङ्घ क्यानका ७ जना केन्द्रिय सदस्यले अध्यक्ष चतुरबहादुर चन्दसहित कार्य सम्पादन समितिमा रहेका ५ जना पदाधिकारीको राजीनामा माग […]

मिथिला कप : विकासले ५ विकट लिंदा छिन्नमस्ता विजयी

सप्तरीको राजविराज जारी चौंथो संस्करणको मिथिला कप टि-ट्वान्टी क्रिकेट प्रतियोगिता अन्तर्गत दोश्रो दिन सम्पन्न खेलमा छिन्नमस्ता स्पोर्ट्स एकेडेमी सप्तरीले १ […]

सन्दीपविनै प्रारम्भिक टोली

नेपाल क्रिकेट सङ्घ (क्यान्) ले घरेलु मैदान कीर्तिपुरमा हुने आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजका लागि २८ सदस्यीय प्रारम्भिक […]

भारतीय कम्पनीसँगको सम्झौता त्रुटिपूर्ण : क्यान

नेपाल क्रिकेट सङ्घ (क्यान) ले नेपाल टी–२० लिग क्रिकेट गर्न भारतीय कम्पनी सेभेन थ्रीस्पोर्ट्सँग सम्झौता गरिनु त्रुटिपूर्ण भएको जनाएको छ […]

मिथिला कप टि–२० माघ १४ देखि

राजविराज । सप्तरीको विष्णुपुर गाउँपालिका वडा नम्वर ६ स्थित महेन्द्र विन्देश्वरी बहुमुखी क्याम्पसको खेल मैदानमा प्रदेश स्तरीय मिथिला कप टि–२० […]

सन्दीपलाई टिममा फर्काउनेबारे क्यान छलफलमा

नेपाल क्रिकेट सङ्घ (क्यान) ले धरौटीमा रिहा भएका क्रिकेटर सन्दीप लामिछानेलाई टिममा फर्काउने बारेमा आफूहरू छलफलमा जुटेको बताएको छ । […]