ललितपुर मेयर महिला च्याम्पियनसिपको पहिलो संस्करण अन्तर्गत शनिवार सम्पन्न पहिलो खेलमा विभागीय टोलि एपीएफले प्रदेश-१ लाई ८ विकेटले पराजित गर्दै विजयी सुरुवात गरेको छ।
तिन महिना अघि दाङमा सम्पन्न प्रधानमन्त्री कप महिला टि-२० राष्ट्रिय प्रतियोगिताको फाइनलमा एपीएफलाई पराजित गर्दै प्रदेश-१ ले प्रतियोगिताको उपाधि जितेको थियो। त्यसपछि प्रदेश-१ र एपीएफ बीचको खेल प्रतिक्षित रहेको थियो जसमा एपीएफले जित दर्ता गरेको हो।
टियु मैदान कीर्तिपुरमा सम्पन्न खेलमा प्रदेश-१ ले दिएको १०७ रनको लक्ष्य एपीएफले २ विकेट गुमाएर १८ ओभरमा भेटाएको हो। स्कोरकार्ड
एपीएफको ब्याटिंगमा कप्तान सिता राना मगरले अविजित अर्धशतकीय योगदान दिईन् जुन क्रममा ५० बलमा ७ चौका प्रहार गर्दै ५२ रन बनाईन्। ज्योति पाण्डेले ३२ रन, इन्दु बर्माले अविजित ८ रन तथा सरिता मगरले ६ रन योगदान दिईन्।
सिता र ज्योतिले ७० रनको ओपनिंग साझेदारी गर्दै जितको आधार तयार गरेका थिए।
प्रदेश-१ को बलिंगमा रुबिना क्षेत्री र संगीता राईले समान १ विकेट हात पारिन्।
![](https://wicketnepal.com/wp-content/uploads/2021/04/Rubina.jpg)
यस अघि टस जितेर ब्याटिंग गरेको प्रदेश-१ ले निर्धारित २० ओभरमा ४ विकेट गुमाएर १०६ रन बनाएको थियो।
प्रदेश-१ को लागि कप्तान रुबिना क्षेत्रीले सर्वाधिक ४५ रनको योगदान दिईन् जुन क्रममा ४८ बलमा ६ चौका प्रहार गरिन्। रोमा थापाले ३३ रन बनाईन्। रुबिना र रोमाले तेश्रो विकेटको लागि ६६ रनको साझेदारी गरेका थिए।
एपीएफको बलिंगमा रेखा रावल, करुणा भण्डारी, सिता राना मगर र बिनु बुढा मगरले समान १ विकेट लिए।
खेलको प्लेयर अफ द म्याच सिता राना मगर घोषित भईन्।
प्रतियोगितामा प्रदेश नम्बर-१, शशस्त्र प्रहरी बल ( एपिएफ ), सुदूरपश्चिम प्रदेश, लुम्बिनी प्रदेश र ललितपुर मेयर्स-११ गरि पाँच टिमको सहभागिता रहेको छ।
ललितपुर मेयर महिला च्याम्पियनसिप भोलि देखि, कुन टिममा को-को छन् खेलाडीहरु