महिला बिश्वकप छनौट – एसिया छनौट प्रतियोगिता अन्तर्गत नेपालले हंगकंग संग पहिलो खेलमा ६ विकेटको हार बेहोरेको छ l
टस जितेर ब्याटिंग गर्दै नेपालले कमजोर ब्याटिंग प्रदर्शन गरेपछि १९.२ ओभरमा ७७ रन बनाई सम्पूर्ण विकेट गुमायो l निर्मला शाहीले सर्बाधिक १८, रुबिना क्षेत्रीले १२, रश्मि शर्माले ११ रन बनाउनु बाहेक अन्यले दोहोरो अंकमा रन बनाउन सकेनन् l
प्रतिउत्तरमा हंगकंगले १६.३ ओभरमा लक्ष पुरा गरेको थियो l ४ विकेट खसाल्न सकेपनि हंगकंगलाई नेपालले दोश्रो इनिंगमा दबाब दिन सकेन l हंगकंग ओपनर जे वान यीपले सर्बाधिक ३३ रन बनाईन् l यस्तै यास्मिन दस्वानीले १३ तथा मारिको हिल र शानजिन सह्जादले क्रमशः अविजित १० र ११ स्कोर गरेका थिए l
आज सुरु भएको प्रतियोगिताको पहिलो खेलमा चिनलाई थाईल्याण्डले ७५ रनको भारि अन्तरले पराजित गर्यो l
नेपालले अब दोश्रो खेलमा भोलि सोमबार थाईल्याण्डको सामना गर्नेछ l
प्रतियोगितामा नेपालको खेल तालिका हेर्नुस