- विकेटनेपाल, भदौ २० – मंगलबार
पोखरामा आजदेखि सुरु भएको माछापुच्छ्रे क्रीकेट लिग टी-२० क्रिकेटको उद्घाटन खेलमा आयोजक माछापुच्छ्रे लायनले भीएम वारियर्स बाग्लुंगलाई ३४ रनले पराजित गरेको छ। जितमा कप्तान दिपेश खत्रीले उत्कृस्ट प्रदर्शन गरे ।
पहिला ब्याटिंग गरेको आयोजक माछापुच्छ्रेले सबै विकेट गुमाउदै १११ रनको योगफल तयार पार्यो । उसका लागी कप्तान दिपेश खत्रीले ४० बलको सामना गर्दै २८ रनको योगदान दिएका थिए । भीएम वारियर्सका सन्देश छन्त्यालले ३.५ ओभरमा १ मेडन राख्दै १९ रन खर्चेर ३ विकेट दिलाएका थिए ।
जवाफी ब्याटिंगमा उत्रेको भीएम वारियर्स बाग्लुंगले २० ओभरमा ८ विकेट गुमाउदा जम्मा ७७ रनमात्र बनाउन सक्यो र ३४ रनको हार ब्योहोर्न बाध्य भयो । उसलाई सस्तैमा रोक्न म्यान अफ द म्याच समेत चुनिएका खत्रीले ४ ओभरमा २ मेडन राख्दै ५ रन खर्चिएर १ विकेट हात पारे ।
प्रतियोगितामा भोलि दुई खेल हुदैछन्, पहिलो खेलमा बिहान ८:४५ बजेदेखि इन्फर्मेटिक कलेज चीताज र केकेएएफ स्यांजा च्यालेंजर्स बीच तथा दोश्रो खेल दिउसो १२:४५ बजेदेखि डाउनटाउन पोखरा लायन्स र पर्बत टाइटन्सबीच हुने छ ।
गण्डकी अन्चलका विभिन्न ६ टिमहरु सहभागी प्रतियोगिता भदौ ३१ गतेसम्म चल्ने छ । प्रतियोगिताको लागि खेलाडीहरु अक्सन प्रक्रियाद्वारा छानिएको थियो जहाँ सुदीप पौडेल सबैभन्दा महँगोमा बिक्रि भएका थिए ।
