- विकेटनेपाल-१८ जेठ
नितिन मेमोरियल, उज्ज्वल शिशु निकेतन, डीएभी र ग्रिन ल एकेडेमी माईक्रोम्याक्स इन्टर स्कुल इन्डोर क्रिकेट प्रतियोगिताको सेमीफाइनल प्रवेश गरेका छन् l
भ्यागुते प्रोडक्सनद्वारा आयोजित प्रतियोगिताको सेमीफाइनलमा भोलि शुक्रबार पहिलो खेलमा १० बजे नितिन मेमोरियलले ग्रिन ल एकेडेमीको सामना गर्नेछ भने दोश्रो सेमीफाइनलमा ११ बजे डीएभीले उज्ज्वल शिशु निकेतनको सामना गर्नेछ l
भेलोसिटी एरिनामा आज भएको प्रतियोगिताको तेश्रो दिनको पहिलो खेलमा प्रिमियर इन्टरनेसनल स्कुलले बिद्या संस्कार स्कुललाई ९ रनले पराजित गर्यो l टस हारेर पहिले ब्याटिंग गरेको प्रिमियरले निर्धारित १२ ओभरमा ३ विकेट नोक्सानीमा ८१ रन बनायो जसको लागि सुनभ ध्वोज थापाले ३२ रन योगदान दिए l बिध्या संस्कार बलर अधिक कार्कीले २ विकेट हात पारे l ८२ रनको लक्ष पछ्याएको बिध्या संस्कार १० ओभरमा ७२ रनमै समेटियो l बलिंग तर्फ पनि सुनभ ध्वोज थापाले २ विकेट हात पारे जो म्यान अफ द म्याच चुनिए l
दोश्रो खेलमा उज्ज्वल शिशु निकेतनले रोमान्चक खेलमा नितिन मेमोरियललाई १ रनले पराजित गर्यो l पहिले ब्याटिंग गर्दै उज्ज्वल शिशु निकेतनले बनाएको ८० रनको जवाफमा ब्याटिंग गरेको नितिन मेमोरियलले पुरै १२ ओभर ब्याटिंग गर्दै ७९ रन मात्रै बनाउन सक्यो l उज्ज्वलको लागि ब्याटिंग तर्फ कृष् अधिकारीले २६ रन योगदान दिए भने बलिंग तर्फ म्यान अफ द म्याच चुनिएका आदित्य थापाले ३ विकेट हात पारेका थिए l नितिन मेमोरियल बलर कृष्ण खड्का र रोशन जिम्बाले २/२ विकेट हात पारे भने ब्याटिंग तर्फ कृष्ण खड्काले २० रन योगदान दिए l
तेश्रो खेलमा डीएभीले मेरिडीएनलाई २ रनले पराजित गर्यो l टस जितेर ब्याटिंग गरेको डीएभीले निर्धारित १२ ओभरमा ३ विकेट नोक्सानीमा ९१ रन बनायो जसको लागि रौनक गोयलले ३३ तथा समान श्रेष्ठले २८ रन योगदान दिएका थिए l इरफान खानले ३ छक्का र ४ चौका मदतले ४६ रन बनाएपछि मेरिडीएन २ रनले पराजित हुन पुग्यो l शिखर बोथ्राले ४ विकेट हात पार्दै डीएभीको जितमा महत्वपूर्ण योगदान दिए जो म्यान अफ द म्याच चुनिए l
आजको अन्तिम खेलमा उज्ज्वल शिशु निकेतनलाई बिध्या संस्कार स्कुलले ४ रनले पराजित गर्यो l टस हारेर ब्याटिंग गरेको बिद्या संस्कारले दिएको ७५ रन लक्ष पछ्याएको उज्ज्वल शिशु निकेतनले ७० रन मात्रै बनाउन सक्यो l बिध्या संस्कारको लागि सुभम गौतमले ३१ योगदान दिए भने १७ रन तथा १ विकेट लिएका सुभम बिस्ट म्यान अफ द म्याच चुनिए l
प्रतियोगिताको फाइनल खेल भोलि दिउसो १ बजे खेलिनेछ l जेठ १६ गते बाट सुरु भएको प्रतियोगितामा ८ टोलि सहभागी थिए l
