- विकेटनेपाल- २५ चैत
स्पन्सर युनिभर्सिटी क्रिकेट कप प्रतियोगिताको तेश्रो दिनको खेल जित्दै शंकर देब क्याम्पस र नेपाल कमर्स क्याम्पस क्वार्टरफाइनल प्रवेश गरेका छन् l
टियु मैदानमा सम्पन्न बिहिबारको पहिलो खेलमा शंकर देब क्याम्पसले टस जितेर पहिले ब्याटिंग गर्दै बनाएको १६३/७ को जवाफमा सेन्ट लरेन्स कलेजले ११४ रनमै सबै विकेट गुमाई ४९ रनको हार बेहोर्यो l
शंकर देबको लागि ब्याटिंग तर्फ आयुष्मन बमले सर्बाधिक ६१ रन बनाए जो खेलको म्यान अफ द म्याच चुनिए l यस्तै सोमेस यादबले ३५ तथा अरुण ऐरी र रबिन चन्दले १६-१६ रन बनाए l सेन्ट लरेन्सका इशान सिंग बानियाले ३ विकेट लिए l सेन्ट लरेन्सको लागि अमित श्रेष्ठले सर्बाधिक ३२ रन बनाए l शंकर देबका बलर आशिष पोख्रेल, लोकेन्द्र धामी, बिनोद भट्टराई र प्रकास बिस्टले २-२ विकेट हात पारे l
यस्तै बिहिबारको दोश्रो खेलमा नेपाल कमर्सले कसमस कलेज अफ म्यानेजमेन्टलाई ८ विकेटले पराजित गर्यो l
टस जितेर कसमसले ब्याटिंग गर्दै १४.४ ओभरमा ६७ रनमै सबै विकेट गुमाएपछि ६८ रनको लक्ष नेपाल कमर्सले ६.३ ओभरमै भेटायो l कसमसलाई सस्तोमा समेट्न कमर्सका बलर नबिन थापाले ६ विकेट ( ४-१-१५-६ ) हात परेका थिए l ओपनर प्रकास बिस्टले ३४ र हिमांशु दत्ताले अविजित २१ रन बनाउदै कमर्स क्याम्पसलाई सहज जित दिलाएका थिए l
नबिन थापा म्यान अफ द म्याच घोषित भए l
