नोभेम्बर २६ देखि ४ डिसेम्बर सम्म थाईल्याण्डमा आयोजना हुने महिला एसिया कप प्रतियोगिको पहिलो खेलमा नेपालको भेट टेस्ट क्रिकेट रास्ट्र पाकिस्तानसंग हुने भएको छ l
एसियन क्रिकेट काउन्सिल द्वारा आयोजना हुने प्रतियोगितामा नेपाल सहित भारत, पाकिस्तान, बंगलादेश, श्रीलंका र आयोजक थाईल्याण्ड सहभागी हुँदैछन् l
गत महिना हंगकंगमा सम्पन्न महिला विश्वकप छनौटको एसिया छनौट प्रतियोगिताको दोश्रो स्थान हात पार्दै नेपाल महिला एसिया कप खेल्न छनौट भएको थियो l प्रतियोगितामा प्रथम भएको थाईल्याण्ड आयोजकको हिसाबले पहिलेनै प्रतियोगिताको लागि छनौट भएको थियो l
टि-२० फर्म्याटमा खेलाइने प्रतियोगितामा नोभेम्बर २६ मा पाकिस्तान संग पहिलो खेल खेल्ने नेपालले त्यसपछि नोभेम्बर २८ मा श्रीलंका, नोभेम्बर २९ मा बंगलादेश र डिसेम्बर २ मा भारत संग प्रतिस्पर्धा गर्नेछ l
राउण्ड रोबिन अन्तर्गत खेलिने प्रतियोगिताको अंक तालिकामा शिर्ष स्थानमा रहने २ टोलि बीच फाईनल खेल डिसेम्बर ४ तारिकमा खेलिनेछ l
यो पनि पढ्नुस :
“बिश्वकप खेल्न पाएको जस्तो महसुस भएको छ” कप्तान रुबिना क्षेत्री
