- विकेटनेपाल-२३ असोज
आईसीसी ट्वान्टी-२० विश्वकप छनौट एसिया (पूर्वी) प्रतियोगिता अन्तर्गत नेपालले आफ्नो पाँचौं खेलमा चिनको सामना गर्दैछ।
यसअघि आफुले खेलेका चार खेलमा नेपालले म्यान्मार, मलेसिया, भुटान र थाइल्याण्डलाई हराउंदै ४ जित दर्ता गरेको छ। ८ अंक र ७.२५ को उत्कृस्ट रन रेट सहित नेपाल अंकतालिकाको शिर्ष स्थानमा रहेको छ। नेपाल र सिंगापुर २ खेल खेल्न बाँकी रहदै टि-२० बिश्वकप एसिया छनौट खेल्न छनौट भइसकेको छ।
प्रतियोगितामा सबैभन्दा कमजोर सबित बनेको टोलि चिनले ४ खेल खेल्दा ४ वटै खेलमा हारको सामना गरेको छ। अंकबिहिन चिन अंकतालिकामा सबैभन्दा पुछारमा रहेको छ। चिनलाई थाइल्याण्डले १० विकेटले, भुटानले ९ विकेटले, सिंगापुरले १० विकेटले तथा म्यान्मारले ८ विकेटले पराजित गरेको छ। नेपालसंगको खेलमा चिनको उद्देश्य जित भन्दा सम्मानजनक खेल प्रदर्शन गर्नुहुनेछ।
खेल हुने मिति र समय :- अक्टोबर १० , ७:४५ बजे ( बिहान ) , मलेसिया समय – १०:०० बजे बिहान
मैदान – बायुमास ओभल मैदान
चिनसंग इतिहास :
चिन र नेपाल बिच यसअघि अन्तर्राष्ट्रिय क्रिकेटमा भेट भएको छैन। महिला क्रिकेटमा नेपाल र चिन बीच भने खेल भएका छन्। सन् २०१७ मा थाईल्याण्डमा सम्पन्न महिला टि-२० बिश्व कप क्रिकेट एसियाली छनोट प्रतियोगितामा नेपाली बलर सबनम राईले चिन बिरुद्ध ह्याट्रिक लिएकी थिइन्।
