कुशल भुर्तेल मार्की खेलाडी रहेको नेपाल प्रिमियर लिगको टिम पोखरा एभेन्जर्सले टिमको पहिलो विदेशी खेलाडीको घोषणा गरेको छ।
अमेरिकाको लागि २० वटा टि-ट्वान्टी अन्तर्राष्ट्रिय तथा तिन वटा एकदिवसीय अन्तर्राष्ट्रिय खेलीसकेका विकेटकिपर ओपनिंग ब्याटर आन्द्रिस गाउस ( Andries Gous ) ले एभेन्जर्सको प्रतिनिधित्व गर्ने भएका छन्। दक्षिण अफ्रीकामा जन्मिएका उनि दक्षिण अफ्रिकी पूर्व अन्डर-१९ राष्ट्रिय क्रिकेटर समेत हुन्।
पोखराले आफ्नो सामाजिक संजाल मार्फत गाउसलाई अनुबन्ध गरेको घोषणा गरेको हो। अनुबन्धित भएपछि ३१ वर्षीय गाउसले खुसि व्यक्ति गर्दै भिडियो सन्देश पठाएका छन्। उनले आफु पहिलो पटक नेपाल आउन लागेको र नेपालमा खेल्न उत्साहित भएको बताएका छन्।
गाउससंग यसै वर्ष वेस्टइन्डिजको करेबियन प्रिमियर लिग खेलेको अनुभव छ भने ग्लोबल टि-२० क्यानडा, मेजर लिग क्रिकेट, इन्टरनेशनल लिग टि-२० जस्ता फ़्रेन्चाइज् लिग खेलीसकेका छन्।
यो वर्ष अमेरिका र वेस्टइन्डिजमा आयोजना भएको टि-ट्वान्टी विश्वकपमा गाउस अमेरिकाको लागि सर्वाधिक रनकर्ता रहेका थिए। उनले ६ खेलमा ४३. ८० को औशत, १५१. ०३ को स्ट्राइट रेटमा २१९ रन बनाएका थिए। प्रतियोगितामा दुई अर्धशतक बनाएका उनले दक्षिण अफ्रीका विरुद्ध ओपनिंग ब्याटिंग गर्दै मात्र ४७ बलमा ५ चौका र ५ छक्का मद्दतले अविजित ८० रन बनाएका थिए। यस्तै उनले क्यानाडा विरुद्ध पनि ४६ बलमा ७ चौका र ३ छक्का मद्दतले ६५ रन बनाएका थिए।
यसै वर्ष अप्रिलमा अमेरिकाको लागि डेब्यु गर्दै २० वटा टि-ट्वान्टी अन्तर्राष्ट्रिय खेलेका उनले ५ वटा अर्धशतक मद्दतले ५९८ रन बनाएका छन् जुन क्रममा उनको औशत ३३.२२ तथा स्ट्राइक रेट १४८.०१ रहेको छ। डेब्युको पहिलो दुई खेलमा उनले क्यानडा विरुद्ध दुई वटा अर्धशतक बनाएका थिए।
पोखरा एभेन्जर्स टिम : कुशल भुर्तेल, सागर ढकाल, आकाश चन्द, किरण कुमार ठगुन्ना, नारायण जोशी, बिपिन खत्री, दिलिप नाथ, तृत राज दास, सुनम गौतम, दिनेश खरेल, अमृत गुरुङ
