पारस खड्काले ४१ बलमै शतक प्रहार गरेपछि शशस्त्र प्रहरी बल ( एपिएफ ) ले सातौ राष्ट्रीय खेलकूद अन्तर्गत लगातार दोश्रो खेल जित्नेक्रममा सुदूरपश्चिमाञ्चललाई १४४ रनको ठुलो अंतरले पराजित गरेको छ l ( स्कोरकार्ड ) , अंकतालिका
बिराटनगर बैजनाथपुर मैदानमा संपन्न तेश्रो दिनको दोश्रो खेलमा टस जितेर ब्याटिङ गरेको एपिएफले निर्धारित २० ओभरमा ४ विकेट नोक्सानीमा २०० रनको योगफल खडा गर्यो l
ओपनिंग ब्याटिङ गरेका सुबास खकुरेलले अविजित ६४ तथा पारसले अविजित १०५ रन बनाए l ४३ बल खेलेका पारसले ८ छक्का र ९ चौका प्रहार गरे भने सुबासले ५१ बलमाँ ६ चौका प्रहार गरे l अर्का ओपनर आसिफ शेख ( २ ) , संदीप सुनार ( ४ ) ज्ञानेंद्र मल्ल ( ८ ) र प्रदीप ऐरीले ( ४ ) भने सस्तैमा विकेट गुमाए l
प्रतिउत्तरमा ब्याटिङ गरेको सुदूरपश्चिमाञ्चलले २० ओभरमा ५६/६ मात्रै बनाऊन सक्यो र ठुलो अंतरको हार सुम्पियो l बसंत रेग्मीले सर्बाधिक ३ विकेट आफ्नो नाम गरे l पहिलो इनिंगमा दिनेश आग्रिले ३ विकेट हात पारेका थिए l
आजै संपन्न पहिलो खेलमा पश्चिमाञ्चल बिकास क्षेत्रले मध्यमाञ्चललाई ६ रनको झीनो अंतरले पराजित गर्यो l ( स्कोरकार्ड )
टस जितेर ब्याटिङ गरेको पश्चिमाञ्चलले निर्धारित २० ओभरमा १२७/६ को योगफल तयार गर्यो l उसका लागि दीपेश खत्रीले ओपनिंग ब्याटिङ गर्दै ५३ रन तथा शंकर रानाले ४८ रन बनाए l खत्रीले ४७ बल सामना गर्दै ३ चौका र २ छक्का प्रहार गरे l
मध्यमाञ्चलका बलर रशीद खानले उत्कृष्ट बलिंग गर्दै ५ विकेट आफ्नो नाम गरे l उनले ४ ओभरमा मात्र १५ रन खर्चिए l
१२८ रनको लक्ष पछ्याएको मध्यमाञ्चलले २० ओभर ब्याटिङ गर्दै १२१/७ रन मात्रै बनाउन सक्यो l जितेंद्र ठकुरीले सर्बाधिक ४४ रन बनाउनु बाहेक अन्य ब्याट्सम्यानले ठुलो स्कोर गर्न सकेनन l ठकुरीले २९ बलमा २ छक्का र २ चौका प्रहार गरे पनि जितको लागि पर्याप्त हुनसकेन l
पश्चिमाञ्चल बॉलर दीपेश खत्री र लाल बहादुर अधिकारीले २/२ विकेट हात पारे l
सम्बंधित :
- क्लार्कको नेपाल आउने इच्छा, पारस खड्काको निम्तो
- अज्मलको एकै ओभरमा पारसको ४ छक्का ! ( भिडियो सहित )
- पारसको धुँवादार ब्याटिंग, १९ बलमै अर्धशतक
