- विकेटनेपाल २० कार्तिक, मंगलवार (पोखरा)
पोखरामा सम्पन्न पोखरा प्रिमियर लिगको उपाधि घरेलु टोलि पोखरा पल्टन पार्यो। जितसंगै पोखराले २७ लाख रुपैयाँ र ट्रफ प्राप्त गर्यो भने उपविजेता बनेको चितवनले १० लाख रुपैयाँमा चित्त बुजाउनु पर्यो।
पोखरा रंगशालाको क्रिकेट मैदानमा सम्पन्न रोमाञ्चक फाइनल खेलमा पोखराले चितवनलाई ३ विकेटले पराजित गर्यो। पहिले ब्याटिंग गर्दै चितवनले दिएको १६१ रनको लक्ष्य पोखराले खेल सकिन ४ बल बाँकी रहंदा ७ विकेट गुमाएर पुरा गर्यो।
पोखरालाई जित दिलाउन रबि इन्दर सिंहले सानदार ब्याटिंग गर्दै ९० रनको इनिंग खेले। तेस्रो नम्बरमा ब्याटिंग गर्न उत्रिएका रबिले ५८ बलमा १३ चौका र ३ छक्का सहित ९० रन जोडे। चितवनको बलिङ्गमा भूबन कार्कीले २ विकेट लिए।
यसअघि पहिलो इनिंगको समाप्तिमा चितवन राइनोजले ५ विकेट गुमाएर १६० रन जोडेको थियो। उसको इनिंगमा पारस खड्काले सर्वाधिक ५१ रन जोडेका थिए।
१९ फोटोहरुमा हेर्नुहोस् पोखरा प्रिमियर लिगको पुरस्कार वितरण :
