यहि कार्तिक १२ गते देखि काठमाडौमा हुन लागेको प्रधानमन्त्री कप पुरुष एकदिवसीय राष्ट्रिय क्रिकेट प्रतियोगिताका लागि सुदुरपश्चिम प्रादेशिक क्रिकेट संघले टिमको घोषणा गरेको छ।
यहि असोज ३१ गतेदेखि कार्तिक ६ गतेसम्म कैलाली र कञ्चनपुरमा आयोजना भएको प्रादेशिक छनोट प्रतियोगितामा उत्कृष्ट प्रदर्शन गर्ने खेलाडीहरु मध्येबाट राजु रिजालको कप्तानीमा ४ वैकल्पिक खेलाडीसहित १८ जनाको नामावली सार्वजनिक गरिएको हो।
घोषित टिम : राजु रिजाल(कप्तान,विकेटकिपर),वसन्त खत्री(उप-कप्तान),नारायण जोशी,शेर मल्ल,वसन्त कार्की,हेमन्त धामी,मिलन बोहरा,दिपक टमटा,गजेन्द्र बोहरा,विरेन्द्र नाथ,नरेन साउँद,कैलाश ऐर,टेक रावत र गजेन्द्र भण्डारी रहेको टोलिमा वैकल्पिक खेलाडीहरुमा खडकबहादुर बोहरा,विरेन्द्र वम,कृष्ण भट्ट र स्मिथ बुढा रहेका छन्।
प्रतियोगिताको समूह ‘ए’ मा रहेको सुदुरपश्चिम प्रदेशसंगै समुहमा नेपाल एपीएफ क्लव,त्रिभुवन आर्मी क्लव,कर्णाली प्रदेश र गण्डकी प्रदेश छन्। सुदुरपश्चिमले आफ्नो पहिलो खेल त्रिभुवन विश्वविद्यालयको क्रिकेट मैदानमा कार्तिक १४ गते गण्डकी प्रदेशसङ्ग खेल्दै गर्नेछ । त्यसैगरी मुलपानी मैदानमा कार्तिक १५ गते नेपाल एपीएफ क्लव,त्रिभुवन विश्वविद्यालय क्रिकेट मैदानमा कार्तिक १८ गते त्रिभुवन आर्मी क्लव र मुलपानी मैदानमा कार्तिक २१ गते छिमेकी प्रदेश कर्णाली प्रदेश विरुद्ध खेल्ने तालिका छ।
