- विकेटनेपाल, फाल्गुन-२५ , नेपालगंज
स्वः रणेन्द्र बहादुर हमाल भाइराजा स्मृति क्रिकेट प्रतियोगिता आज भएको खेलमा रोयल स्पोर्ट्स क्लब फाइनलमा प्रवेश गरेको छ l
आज भएको पहिलोे सेमि फाइनल खेलमा रोयल स्र्पाेटस क्लबले टस जितेर ब्याटिङ रोजेको थियो । रोयलका लागि राष्ट्रिय खेलाडी समेत रहेका अमित श्रेष्ठले ६६ रन,कृष्ण कार्कीले २२ रन तथा सद्याम खानले १५ र शाहिल रानाले अविजित १२ रन बनाए । १९.५ ओभरमा आफनो सम्पुर्ण विकेट गुमाउदा ज्याक्वारका लागि रोशन शाहले ३ तथा मुजिब अन्सारीले २ विकेट लिन सफल रहे ।
१६२ रनको लक्ष्य लिएर मैदानमा उत्रेको ज्याक्वार क्रिकेट क्लब १६.३ ओभरमा सम्पुर्ण विकेट गुमाउदै १२० रनमै समेटियो । ज्याक्वरका लागि नविन ओली्ले ३६ तथा मनोज यादवले २२ रन बनाए । ज्याक्वरका अन्य ब्याट्सम्यानले प्रवाभशाली ब्याटिङ गर्न नसक्दा खेल गुमाएको हो ।
राष्ट्रिय खेलाडीहरुले भरिएको रोयल स्र्पाेट्स क्लबका लागि राष्ट्रिय खेलाडी कृष्ण कार्की तथा सुनिल सुनारले आर्कषक बलिङ गर्दै ३/३ विकेट लिन सफल रहे । त्यसै गरि अर्का राष्ट्रिय खेलाडी सोनु तामाङको नाममा २ विकेट रहयो । यो खेल संगै रोयल स्र्पाेट्स क्लब ४१ रनको जित निकाल्दै फाइनलमा प्रवेश गरेको छ ।
खेलको म्यान अफ द म्याच अमित श्रेष्ठ घोषित भए l
सांसद मैकुलाल बाल्मिकीको संसदिय विकास कोषबाट संचालित भाइराजा क्रिकेट प्रतियोगिता २०७३ मा ८ वटा क्लबको सहभागीता रहेको छ । नकआउट प्रणालीमा संचालन भई रहेको प्रतियोगिताको विजेता टिमलाई ५१ हजार तथा उपविजेतालाई २५ हजार पुरस्कार प्रदान गरिनेछ ।
भोलि हुने दोस्रो सेमिफाइनल खेल टाइगर स्र्पाेट्स क्लब र युनाईटेड भिजन बीच हुनेछ l
