रुपन्देही सुपर लिग: साहव आलमको ७ विकेटमा लुम्बिनी खुकुरीलाई उपाधी

  • विकेटनेपाल, फाल्गुन २६ – शनिबार

रुपन्देही क्रिकेट संघको आयोजनामा भैरहवामा सम्पन्न नेपाल टेलिकम रुपन्देही सुपर लिग क्रिकेट प्रतियोगिताको उपाधि लुम्बिनी खुकुरी क्रिकेट क्लब भैरहवाले हात पारेको छ । शनिबार भएको फाइनल खेलमा शिवशक्ति क्रिकेट क्लब भैरहवालाई १ सय ९२ रनको फराकिलो अन्तरले हराउँदै खुकुरीले उपाधि हात पारेको हो । जितसँगै खुकुरीले नगद ७० हजार रुपैयाँ र ट्रफी प्राप्त गरेको छ । उपविजेता शिवशक्तिले नगद ३५ हजार रुपैयाँ र ट्रफी प्राप्त गर्यो ।

स्थानीय सिद्धार्थ रंगशालामा टस जितेर पहिला व्याटिङ गरेको खुकुरीले निर्धारित ५० ओभरको खेलमा ४९ ओभर ४ बलमा सबै विकेट गुमाई २ सय ९० रनको योगफल बनाएको थियो । उसका लागि प्रज्वल थापाले सर्वाधिक ६९, अन्तिम थापाले ६५ तथा प्रकाश जैशीले ४३ रन बनाए । बलिङमा शिवशक्तिका कृष्ण कार्की, विष्णु कटरिया र हरजित सिंहले समान २/२ विकेट लिए।

शाहब आलम

प्रतिउत्तरमा २ सय ९१ रनको लक्ष्य पाएको शिवशक्तिले २७ ओभर २ बलमा सबै विकेट गुमाई जम्मा ९८ रनमै समेटियो । उसका लागि हरजित सिंहले २५ तथा प्रथम पराजुलीले २० रन बनाए पनि अन्य ब्याट्सम्यानले दोहोरो अंक बटुल्न नसक्दा टिमले उपाधि गुमाउन पुग्यो । उसलाई सस्तैमा समेट्ने क्रममा म्यान अफ द फाइनल समेत रहेका साहव आलमले २१ रन खर्चेर ७ विकेट लिए । यस्तै मानबहादुर थापाले २ विकेट लिए ।

प्रतियोगितामा शिवशक्ति क्रिकेट क्लबका कृष्ण कार्की म्यान अफ द सिरिज घोषित भए । उनले नगद १० हजार र ट्रफी हात पारे । होराइजनका नूरध्वज सेन बेष्ट ब्याट्स म्यान तथा होराइजनकै शुसान भारी बेष्ट बलर घोषित भए । उनीहरुले समान ५/५ हजार र ट्रफी हात पारे । विजेता खेलाडीहरुलाई प्रदेश नम्बर पाँचका सदस्य सन्तोष पाण्डेय, क्रिकेट संघका अध्यक्ष प्रशान्त विक्रम मल्ल तथा खेल संयोजक विनय ज्ञवालीले पुरस्कार प्रदान गरेका थिए ।





थप समाचार

अविनाशले कीर्तिमानी स्पेल दर्ता गर्दा नेपाल एसियन गेम्सको क्वार्टरफाइनलमा

माल्दिभ्सलाई १३८ रनको विशाल अन्तरले पराजित गर्दै नेपाल चिनमा जारि एसियन गेम्स पुरुष क्रिकेटको क्वार्टरफाइनल प्रवेश गरेको छ। समुह ‘ए’ […]

एसियन गेम्स : नेपालको दोश्रो खेल माल्दिभ्ससंग

चिनको हांगझाउमा जारि एसियन गेम्स अन्तर्गत समुह चरणको खेल अन्तर्गत नेपालले आफ्नो दोश्रो खेलमा भोलि माल्दिभ्ससंग प्रतिस्पर्धा गर्नेछ। खेल आइतबार […]

‘केपी ओली कप राष्ट्रिय टि-ट्वान्टी’ मंसिरको पहिलो साता

पोखरामा मदन भण्डारी स्पोर्टस् एकेडेमीको आयोजनामा आगामी मङ्सिर पहिलो साता पोखरामा ‘प्रथम केपी ओली कप राष्ट्रिय टी–२० क्रिकेट प्रतियोगिता’ हुने […]

दीपेन्द्रको विश्व कृतिमानपछि बुवाले भने-‘आफूसँगै देशको नाम राख्यो, खुशीको सीमा छैन’

महेन्द्रनगर (कञ्चनपुर) । १९ औँ एसियाली खेलकुद अन्तर्गत टी-२० क्रिकेटमा मङ्गोलियालाई पराजित गरेको खेलमा नेपालले आधा दर्जन बढी कीर्तिमान राख्यो। […]

मंगोलिया विरुद्ध ६ विश्वकीर्तिमान बनाउदै नेपाल विजयी

चिनको हांगझाउमा सुरु भएको एसियन गेम्सको पुरुष क्रिकेट अन्तर्गत उद्घाटन खेलमा नेपालले मंगोलियालाई २७३ रनको कीर्तिमानी विशाल अन्तरले पराजित गरेको […]

मंगोलिया विरुद्ध नेपालको तिन ठूलो विश्वकीर्तिमान

चिनको हांगझाउमा सुरु भएको एसियन गेम्सको पुरुष क्रिकेट अन्तर्गत उद्घाटन खेलमा नेपालले मंगोलिया विरुद्ध रेकर्ड वर्षा गरेको छ। स्कोरकार्ड  अन्तर्राष्ट्रिय […]