Sudurpaschim Province vs Gandaki Province Live



रुपेशको अलराउन्ड प्रदर्शनमा साई ग्लोबलको जित

  • विकेटनेपाल, भैरहवा, ६ चैत ।

रुपन्देही क्रिकेट संघको आयोजनामा भैरहवास्थित सिद्धार्थ रंगशालामा जारी शशिकान्त–सकुन्तला बर्मा टि-२० क्रिकेट प्रतियोगितामा आइतबार भएको समूह ‘ए’ को पहिलो खेलमा बुद्ध क्रिकेट क्लब भैरहवालाई ४६ रनले हराउँदै बुटवल ११ क्रिकेट क्लब बुटवल विजयी भएको छ । जितसँगै उसले २ अंक बटुल्न सफल भएको छ ।

टस हारेर पहिला ब्याटिङको निम्तो पाएको बुटवल ११ ले निर्धारित २० ओभरको खेलमा ५ विकेट गुमाउँदै १ सय २५ रन बनाएको थियो । उसका लागि प्रथम पराजुलीले ३१, अमित श्रेष्ठले २३ र तौसिफ आलमले नटआउट १८ रन बनाए । बुद्धका लागि प्रवेज आलमले २ विकेट लिए ।

जवाफी ब्याटिङमा मैदानमा उत्रेको बुद्धले निर्धारित खेलमा ९ विकेट गुमाउँदै ७९ रनमै समेटियो । उसका लागि सन्दीप साहनीले १६ रन बनाउनबाहेक अन्य ब्याट्सम्यान नचल्दा टिम धरासायी भयो । बुटवलका लागि खेलका म्यान अफ द म्याच समेत रहेका तौसिफ आलमले ३, सुधन श्रेष्ठ र सुमन श्रेष्ठले २-२ विकेट लिए ।

त्यस्तै आइतबारै भएको समूह ‘बि’ अन्तर्गतको दोस्रो खेलमा ज्ञानोदय क्रिकेट क्लब करहियालाई १९ रनले हराउँदै साई ग्लोबल क्रिकेट क्लब भैरहवा विजयी भएको छ । जितसँगै उसले २ अंक बटुल्न सफल भएको छ ।

टस जितेर पहिला ब्याटिङ गरेको साई ग्लोबलले निर्धारित २० ओभरको खेलमा १९ दशमलब ४ ओभरमा सबै विकेट गुमाउँदै १ सय ४५ रन बनाएको थियो । उसका लागि रुपेश बास्तोलाले ३० तथा सन्देश शाक्यले २१ रनको योगदान दिए । ज्ञानोदयका लागि पदम खबासले ३ र निशान्त शर्माले २ विकेट लिए ।

जवाफी ब्याटिङमा मैदान छिरेको ज्ञानोदयले पुरै ओभर खेल्दै ५ विकेटको क्षतिमा १ सय २६ रन बनाए पनि जितका लागि प्राप्त भएन । उसका लागि निशान्त शर्माले ३९ र जितेन्द्र साहनीले १४ रन बनाए । बलिङमा साई ग्लोबलका रुपेश बास्तोला र राहुल थापाले २-२ विकेट लिए । खेलको म्यान अफ द म्याच साई ग्लोबलका रुपेश बास्तोला घोषित भएको रुपन्देही क्रिकेट संघका अध्यक्ष प्रशान्त विक्रम मल्लले जानकारी दिए ।

सोमबारको पहिलो खेल समूह ‘सी’ मा रहेका बुम एमसीसी भैरहवा र देवदह क्रिकेट क्लब देवदहबीच प्रतिस्प्रधा हुनेछ भने दोस्रो खेल समूह ‘डि’ मा रहेका न्यू होराइजन क्रिकेट क्लब बुटवल र प्रोफेसनल मास्टर्स ११ क्रिकेट क्लब भैरहवाबीच हुनेछ।

प्रतियोगिताका विजेताले नगद रु. ५० हजार र ट्रफी, उपविजेताले नगद रु. २५ हजार र ट्रफी प्राप्त गर्नेछन् । उत्कृष्ट खेलाडीले नगद रु. १० हजार, बेष्ट ब्याट्सम्यान तथा बेष्ट बलरले नगद रु.५-५ हजार प्राप्त गर्नेछन् भने प्रत्येक दिनको म्यान अफ द म्याचले रु. एक हजार प्राप्त गर्नेछन् । प्रतियोगिता चैत १२ गतेसम्म संचालन हुने छ ।

प्रतियोगितालाई अमेरिका निवासी विवेक बर्माले आफ्नो स्वर्गीय आमा÷बुवाको नाममा स्पोन्सर गरेका छन् । स्वर्गीय शशिकान्त बर्मा रुपन्देही जिल्लाको क्रिकेट खेलको विकासमा अम्पायर तथा खेलाडीको रुपमा योगदान पु¥याउने व्यक्तित्व मानिन्छन् भने स्वर्गीय सकुन्तला बर्मा रुपन्देही जिल्लाको महिला नेतृ थिइन् ।





थप समाचार

ICCWCL2 : स्कटल्याण्डद्वारा नामिबिया पराजित

घरेलु टोलि नामिबियालाई ४ विकेटले पराजित गर्दै विश्वकप लिग-२ अन्तर्गत त्रिकोणात्मक सिरिजको पहिलो खेलमा स्कटल्याण्डले विजयी सुरुवात गरेको छ। सिरिजमा […]

U19 National : निर्मलको ५ विकेटमा लुम्बिनीको चौंथो जित, गण्डकी जितमा सुबासको ६ विकेट

अन्डर-१९ राष्ट्रिय प्रतियोगिता अन्तर्गत बिहिबार सम्पन्न दुई खेलमा लुम्बिनी प्रदेश र गण्डकी प्रदेश विजयी भएका छन्। प्रदेश नम्बर-१ लाई ६ […]

नेपाल टि-२० लिगबाट कान्तिपुर गोर्खाज बाहिरियो, लिग फेरी सर्ने

यही डिसेम्बर १२ तारिख ( मङ्सिर २६ गते ) देखि काठमाडौँमा आयोजना हुने नेपाल टि-ट्वान्टी लिगबाट काठमाडौँ गोर्खाज टिमले नाम […]

नेत्रहीन टी-२० विश्वकप : नेपाल भारतसँग भिड्ने

आगामी डिसेम्बर ४ देखि १७ (मंसिर ५ देखि १९ सम्म) भारतमा आयोजना हुने नेत्रहीन टी-२० विश्वकप क्रिकेटमा नेपालले पहिलो खेल […]

लुम्बिनीको जितमा दुर्गेशको अलराउण्ड प्रदर्शन, नरेनको ५ विकेटमा सुदूरपश्चिमको लगातार पाँच जित

काठमाडौँमा जारि अन्डर-१९ राष्ट्रिय प्रतियोगिता अन्तर्गत बुधबार सम्पन्न दुई खेलमा लुम्बिनी प्रदेश र सुदूरपश्चिम प्रदेश विजयी भएका छन्। टियु मैदान […]

धमलालाई राखेको निमित्त सदस्यसचिवको जिम्मेवारी

काठमाडौं, मंसिर १३- राष्ट्रिय खेलकुद परिषद् (राखेप) का बोर्ड सदस्य अञ्जन धमलाले मंगलबार राखेपको निमित्त सदस्यसचिवको जिम्मेवारी पाएका छन् । […]