रोमान्चक खेलमा ओमानलाई २ विकेटले पराजित गर्दै स्कटल्याण्डले युएईमा जारी त्रिकोणात्मक एकदिवसीय अन्तर्राष्ट्रिय सिरिजको सबै ४ खेलमा जित दर्ता गरेको छ।
दुबई अन्तर्राष्ट्रिय स्टेडियममा ओमानले दिएको २२६ रनको लक्ष्य स्कटल्याण्डले १ बल बाँकी रहंदा ८ विकेट क्षतिमा भेटायो।
स्कटल्याण्डको लागि रिची बेरिंगटनले सर्वाधिक ७३, जर्ज मुनसेले ४३ तथा मार्क वाटले अविजित ३७ रन योगदान दिए। चौंथो विकेटको लागि बेरिंगटन र मुनसेले ९८ रनको साझदारी गरे।
रोमान्चक बनेको खेलको अन्तिम २ ओभरमा स्कटल्याण्डलाई जित्न १९ रन आवस्यक थियो। ४९ औं ओभरको पहिलो बलमा कलेमुल्लाहले बेरिंगटनको ठूलो विकेट लिए। ओभरमा कलेमुल्लाहले ७ रन खर्चिए। अन्तिम ओभरमा जित्न १२ रन आवस्यक रहंदा मार्क वाटले बिलाल खानलाई पहिलो बलमा चौका प्रहार गरे। अन्तिम २ बलमा जित्न ४ रन आवस्यक रहंदा पाँचौ बलमा वाटले चौका प्रहार गर्दै रोमान्चक जित दिलाए।
ओमान बलर बिलाल खान र कलेमुल्लाहले ३/३ विकेट तथा खवर अलि र आयान खानले १/१ विकेट लिए।
The winning moment from @markwatt123 👏
Rumour has it the bat still hasn’t come back to earth… pic.twitter.com/ExdAfeswJN
— Cricket Scotland (@CricketScotland) April 15, 2022
टस जितेर ब्याटिंग गरेको ओमानले ५० ओभरमा ७ विकेट क्षतिमा २२५ रन बनायो। उसको लागि ओपनर कश्यप प्रजापतिले सर्वाधिक ८१ रन, कप्तान मोहम्मद नदीमले ५३ रन योगदान दिए।
स्कटल्याण्ड बलर मिचेल लिस्कले ३ विकेट, एड्रियन निलले २ विकेट तथा सफ्यान सरिफ र मार्क वाटले १/१ विकेट लिए।
सिरिज अन्तर्गत स्कटल्याण्डले पहिलो खेलमा पनि ओमानलाई ४ रनले पराजित गरेको थियो। यस्तै उसले पपुवा न्यु गिनीलाई १२३ रन र ७ विकेटले पराजित गरको थियो।
जित पछि विश्वकप लिग-२ अंकतालिकामा स्कटल्याण्ड २४ अंक सहित दोश्रो स्थानमा यथावत छ। ३८ अंक सहित ओमान शिर्षमा छ।