दोश्रो खेलमा भ्रमण टोलि श्रीलंकालाई १६ रनले पराजित गर्दै तिन खेलको टि-ट्वान्टी अन्तर्राष्ट्रिय सिरिज श्रीलंकाले बराबरी गरेको छ।
पुनेमा सम्पन्न खेलमा श्रीलंकाले दिएको २०७ रनको लक्ष्य पछ्याएको भारतले पुरै २० ओभर ब्याटिंग गर्दै ८ विकेट क्षेतीमा १९० रन मात्र बनाउन सक्यो।
लक्ष्य पछ्याउने क्रममा भारतले खराब सुरुवात गर्यो जुन क्रममा ५७ रन बनाउदा ५ विकेट गुमायो। छैठौं विकेटको लागि सुर्यकुमार यादव र अक्षर पटेलले ९१ रनको साझेदारी गर्दै भारतलाई खेलमा फर्काए।
सोह्रौं ओभरमा सुर्यकुमारलाई दिल्शान मदुशंकाले क्याच आउट पारे। त्यस अघि यादवले ३६ बलमा ३ चौका र ३ छक्का मद्दतले ५१ रन बनाए। त्यसपछि अक्षरले शिभम माभीले ४१ रनको साझेदारी गरे।
अन्तिम ओभरमा जित्न २१ रन आवस्यक हुँदा कप्तान दासुन शनाकाले तेश्रो बलमा अक्षर पटेल र छैठौ बलमा शिभम माभीको विकेट लिंदै ४ रन मात्र खर्चेर श्रीलंकालाई जित दिलाए। २० बलमा अर्धशतक पुरा गरेका अक्षरले ३१ बलमा ३ चौका र ६ छक्का मद्दतले ६५ रन बनाए। शिभम माभीले १५ बलमा २ चौका र २ छक्का मद्दतले २६ रन बनाए।
श्रीलंकाको बलिंगमा दासुन शनाका ( २/४ ) , दिल्शान मदुशंका ( २/२२ र कसून रजीथा ( २/२२ ) ले २/२ विकेट , चमिका करुना रत्ने ( १/४१ र वानिन्दु हसरंगा ( १/४१ ) ले १/१ विकेट लिए।
टस हारेर ब्याटिंग गरेको श्रीलंकाले २० ओभरमा ६ विकेट गुमाएर २०६ रन बनायो।
श्रीलंकाको लागि कप्तान दासुन शनाकाले सर्वाधिक ५६ रन बनाए जुन क्रममा अविजित रहँदै उनले २२ बलमा २ चौका र ६ छक्का प्रहार गरे। कुशल मेन्डीसले ३१ बलमा ३ चौका र ४ छक्का मद्दतले ५२ रन बनाए। चरिथ असलंकाले १९ बलमा ३७ तथा पथुम निसंकाले ३५ बलमा ३३ रन बनाए।
मेन्डीस र निसंकाले ८० रनको ओपनिंग साझेदारी गरेका थिए। उक्त साझेदारी पछि नियमित अन्तरलमा विकेट गुम्यो। १३८/६ को अवस्थाबाट कप्तान शनाकाले सातौँ विकेटको लागि चमिका करुनारत्नेसंग मात्र २४ बलमा अविजित ६८ रनको साझेदारी गरे। भारतले अतिरिक्तको रुपमा १२ रन दियो जसमा ७ वटा नो बल समाबेश थियो।
भारतको बलिंगमा उम्रान मालिकले ३ विकेट ( ३/४८ ) , अक्षर पटेलले २ विकेट ( २/२४ ) तथा युजभेन्द्र चाहलले १ विकेट ( १/३० ) लिए।