सुनसरीको इनरुवामा जारि मनमोहन मेमोरियल एकदिवसीय राष्ट्रिय प्रतियोगिता अन्तर्गत त्रिभुवन आर्मी क्लबका देब्रे हाते स्पिनर सुशन भारिले ह्याट्रिक लिएका छन्।
आयोजक टोलि एमएमसीसी इनरुवा बिरुद्ध खेल्ने क्रममा भारिले खेलको आठौँ ओभरमा ह्याट्रिक लिएका थिए।
ओभरको दोश्रो बलमा सुशान्त तिमिल्सिनालाई क्याच आउट गरेका भरिले त्यस लगत्तै अल्फाज मन्सुरीलाई आफैद्वारा क्याच आउट गराएका थिए। त्यसपछि ह्याट्रिक बलमा उनले सुरज बस्नेतलाई एलबिडब्लु धरापमा पारे र ह्याट्रिक पुरा गरे। सोहि ओभरको छैठौ बलमा उनले राकेस सोनीलाई पनि आउट गर्दै एकै ओभरमा ४ विकेट लिएका थिए।
इनरुवाले टस जितेर ब्याटिंग गर्दै ८ ओभरमा १८ रन बनाउदा ६ विकेट गुमाएको थियो। सबै ६ वटा विकेट भारिलेनै लिएका थिए।
सुशन भारिले नेपाली घरेलु क्रिकेटमा लिएको यो दोश्रो ह्याट्रिक हो। यस अघि उनले नेपाल प्रिमियर लिग एकदिवसीय प्रतियोगितामा सन् २०१४ मा विशाल वारियर्सको लागि खेल्ने क्रममा कान्तिपुर गोर्खाज टिम बिरुद्ध ह्याट्रिक लिएका थिए।
![](https://khelnepal.com/wp-content/uploads/2020/01/DSC_0925.jpg)
![](https://khelnepal.com/wp-content/uploads/2020/01/DSC_0932.jpg)