आगामी महिना नेपालमा आयोजना हुने आईसीसी टि-२० विश्वकप एसिया फाइनल छनोट प्रतियोगिताको तयारी स्वरूप नेपालले काठमाडौँमा त्रिकोणात्मक टि-ट्वान्टी अन्तर्राष्ट्रिय सिरिज आयोजना गर्ने भएको छ।
नेपाल क्रिकेट संघ ( क्यान ) को मंगलबार सम्पन्न केन्द्रिय कार्यसमितिको वैठकले हंगकंग र युएईसंग सिरिज खेल्ने निर्णय गरेको हो। सिरिज अक्टोबर १७ देखि २६ तारिखसम्म आयोजना हुनेछ।
टि-२० विश्वकप एसिया फाइनल छनोट प्रतियोगितामा नेपाल सहित ८ टिम सहभागी हुँदैछन् जसमा मलेसिया, ओमान, सिंगापुर, बहराईन, हंगकंग, युएई र एसिया छनोट ( ए ) बाट आउने एक टिम सहभागी हुनेछन्।
प्रतियोगितामा नेपाल समुह ‘ए’ मा छ जुन समुहमा मलेसिया, ओमान, सिंगापुर छन् भने समुह ‘बि’ मा युएई, बहराईन, हंगकंग र एसिया छनोट ( ए ) बाट आउने एक टिम हुनेछ।
समुह चरणमा सबै टिमले एकअर्का संग एक खेल खेलेपछि दुवै समुहबाट शिर्ष दुई टिम सेमीफाइनल प्रवेश गर्नेछन्। फाइनल पुग्ने दुई टिम विश्वकप खेल्न छनोट हुनेछन्।
२०२४ टि-२० विश्वकप अमेरिका र वेस्टइन्डिजमा आयोजना हुनेछ जसमा २० टिमले सहभागिता जनाउनेछन्।
