- विकेटनेपाल, भदौ २०
प्रथम गणेश बहादुर‒प्राणमाया चित्रकार स्मृति कप अन्डर नाइन्टिन क्रिकेट प्रतियोगिता अन्तर्गत आज सम्पन्न खेलमा १ विकेटको रोमान्चक जित हात पार्दै ओमेगा कलेज सेमीफाइनलमा प्रवेश गरेको छ ।
नेक्सस क्रिकेट एकेडेमीको आयोजनामा काठमाण्डौको टुडिखेलमा संचालन भैरहेको प्रतियोगिताको आजको खेलमा टस जितेर पहिला ब्याटिंग गरेको सगरमाथा क्रिकेट क्लबले निर्धारित २०ओभर खेल्दै ९ विकेटको क्षेतीमा ८४ रनमात्र बनाउन सक्यो । उसका लागि उपेन्द्र अधिकारीले सर्बाधिक २७ रन बनाएपनि अन्य ब्याट्सम्यान चल्न सकेनन् । बलिंगतर्फ ओमेगाका सानुबाबु शाहले ३ विकेट लिए ।
जवाफी ब्यटिङमा उत्रेको ओमेगा कलेजले १८.२ओभरमा ९ विकेट गुमाउदै लक्ष्य पुरा गरेको थियो । उसका लागि ओपनर ब्याट्सम्यान रिजन थापाले अविजित २८ रनको पारि खेल्दै टिमलाई सेमीफाइनलमा पुर्याउन महत्वपूर्ण भूमिका निर्वाह गरे । बलिंगतर्फ सगरमाथाका आदित्य मेहताले ३ विकेट लिएपनि टिमलाई जित दिलाउन सकेनन् ।
उत्कृस्ट ब्याटिंग गरेका ओमेगाका रिजन थापा खेलको म्यान अफ द म्याच घोषित भए ।
