यु-१९ इटहरी प्रिमियर लिग : बिराटनगर र धनगढी फाइनलमा

  • विकेटनेपाल, १ माघ- सोमबार  , सुनसरी ।

विराटनगर र धनगढी इटहरीमा जारी दोस्रो अण्डर १९ इटहरी प्रिमियर लिग क्रिकेट प्रतियोगिताको फाइनलमा पुगेका छन् ।

सोमबार सम्पन्न पहिलो सेमिफाइनल खेलमा आयोजक इटहरी क्रिकेट एकेडेमीलाइ पराजित गर्दै बिराटनगर र दोस्रो सेमिफाइनलमा नेपालगञ्जलाई पराजित गर्दै धनगढी फाइनलमा पुगेको हो । फाइनल खेल मंगलबार हुनेछ।

सोमबार भएको पहिलो सेमिफाइनलमा टस हारेर पहिले ब्याटिङ गरेको इटहरीले निर्धारित १४ ओभरको खेलमा ६ विकेट गुमाउदै ९१ रन बनाएको थियो । इटहरीका लागी गौतम शर्माले सर्वाधिक २९ रन बनाए भने पवन सर्राफले १५ रन बनाउदा बिवेक मेहेता १४ रनमा नटआउट रहे । बलिङतर्फ बिराटनगरका बिवेक यादवले २ विकेट लिदा मिनश थापा, फिर्दोश अन्सारी र दिपक कंडेलले एक–एक विकेट लिए ।

९२ रनको बिजयी लक्ष्य लिएर जवाफी ब्याटिङ गरेको बिराटनगर १२ दशमलव ४ ओभरमा ५ विकेट गुमाउदै पुरा गरेको थियो । बिराटनगरका लागी म्यान अफ द म्याच मिनश थापाले ३७ रन बनाउदा अमित यादवले १६ तथा फिर्दोस अन्सारी १७ रनमा नटआउट रहे । बलिङ तर्फ इटहरीका मनिष दाहालले ३ तथा सोनु मण्डल र पवन शर्राफले एक–एक विकेट लिए ।

नेपालगंजलाई पराजित गर्दै धनगढी फाइनलमा

सोमबारनै सम्पन्न दोस्रो सेमिफाइनल धनगढीले नेपालगञ्जलाइ ८२ रनको फराकिलो अन्तरले पराजित गरेको छ। टस जितेर पहिले ब्याटिङ गरेको धनगढीले निर्धारित २० ओभरको खेलमा ५ विकेट गुमाउदै १ सय ४७ रनको योगफल खडा गरेको थियो। धनगढीका लागी भीम सार्कीले सर्वाधिक ३७ रन बनाए। यस्तै लोकेश बम २२ र नारायण जोशी १९ रनमा नटआउट रहदा बसन्त कार्की १४ र शेरे मल्लले ११ रनको योगदान दिए। बलिङतर्फ नेपालगञ्जका बिजय चौधरीले २ र अजय शहनीले १ विकेट लिए।

१ सय ४८ रनको बिजयी लक्ष्य पछ्याएको नेपालगञ्ज १९ ओभरमा ६६ रनमा समेटिएपछी धनगढी उपाधी नजिक पुगेको हो। नेपालगञ्जका लागी कुनै पनि खेलाडीले दोहोरो अंक जोड्न सकेनन्।

भोली मंगलबार हुने फाइनलमा प्रथम हुनेले १ लाख, दोस्रो हुनेले ५० हजार, सर्वोत्कृष्ट खेलाडीले ५ हजार नगद प्राप्त गर्नेछन । यस्तै खेलमा बेष्ट बलर र बेष्ट ब्याट्सम्यानले क्रमशः ५–५ हजार नगद प्राप्त गर्नेछ।





थप समाचार

नेपालविरुद्ध बंगलादेश : यस्तो छ इतिहास

काठमाडौं । नेपालले वेस्ट इन्डिज र अमेरिकामा जारी रहेको नवौं संस्करणको टी-२० विश्वकपको आफ्नो अन्तिम खेलमा सोमबार बिहान बंगलादेशको सामना […]

बंगलादेशलाई हराएर इतिहास रच्ने लक्ष्यमा नेपाल

काठमाडौं । नेपालले वेस्ट इन्डिज र अमेरिकामा जारी रहेको नवौं संस्करणको टी-२० विश्वकपको आफ्नो अन्तिम खेलमा सोमबार बिहान बंगलादेशको सामना […]

अस्ट्रेलियाले स्कटल्यान्डलाई हराउँदा इंग्ल्यान्ड सुपर एटमा

काठमाडौं । स्कटल्यान्ड अमेरिका तथा वेस्ट इन्डिजमा जारी नवौं संस्करणको टी-२० विश्वकपमा अस्ट्रेलियासँग पराजित हुँदा इंग्ल्यान्डले सुपर एटमा स्थान बनाएको […]

स्कटल्यान्डले दियो अस्ट्रेलियालाई १८१ रनको लक्ष्य

काठमाडौं । स्कटल्यान्डले अमेरिका तथा वेस्ट इन्डिजमा जारी नवौं संस्करणको टी-२० विश्वकपमा अस्ट्रेलियालाई जितका लागि १ सय ८१ रनको लक्ष्य […]

भारत र क्यानडाबीचको खेल रद्द

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकप अन्तर्गतको ३३ औं खेल वर्षाका कारण रद्द भएको छ […]

टी-२० विश्वकप : क्यानडा र भारत तथा इंग्ल्यान्ड र नामिबिया खेल्दै

काठमाडौं । वेस्ट इन्डिज र अमेरिकामा जारी आईसिसी टी–२० विश्वकप क्रिकेट अन्तर्गतको ३३ औं खेलमा शनिबार भारत र क्यानडा भिड्दै […]