काठमाडौं । ललितपुर मेयर्स एघारलाई पराजित गर्दै कोशी प्रदेशले ललितपुर मेयर्स कपमा सान्त्वना जित निकालेको छ ।
समूह चरणको अन्तिम खेलमा पहिलो जित निकाल्ने क्रममा कोशीले ललितपुरलाई ६ विकेटले पराजित गर्यो ।
ललितपुरले दिएको ८९ रनको लक्ष्य कोशीले १८ औं ओभरको अन्तिम बलमा ४ विकेट गुमाएर पूरा गर्यो ।
कोशीका लागि काजल श्रेष्ठले ४५ बलमा ३६ तथा टिका शाहले ३४ बलमा २५ रन बनाईन् ।
ललितपुरका लागि कृतिका मरासिनीले चार तथा सरस्वती चौधरीले एक विकेट लिईन् ।
त्यसअघि टस जितेर पहिले ब्याटिङ गरेको ललितपुरले निर्धारित २० ओभरमा ९ विकेट गुमाएर ८८ रन बनाइको थियो ।
ललितपुरका लागि आस्मा पुलामी मगरले ३२ बलमा २६ तथा किरन कुँवरले १६ बलमा १३ रन बनाईन् । ललितपुरका अन्य ब्याटरले दोहोरो अंकमा रन बनाउन सकेनन् ।
कोशीका लागि अप्सरी बेगमले तीन तथा दुई विकेट लिए ।