काठमाडौं । विश्वकप लिग टू को नव प्रवेशी क्यानडाले गत संस्करणको च्याम्पियन स्कटल्यान्डलाई पराजित गरेको छ ।
युएईमा जारी रहेको स्कटल्यान्ड, क्यानडा र घरेलु टोली रहेको त्रिकोणात्मक सिरिजमा क्यानडाले लगातार दोस्रो जित निकालेको हो ।
पहिलो खेलमा घरेलु टोलीलाई पराजित गरेको क्यानडाले शुक्रबार भएको दोस्रो खेलमा स्कटल्यान्डलाई ७ विकेटको फराकिलो अन्तरले हराएको छ ।
स्कटल्यान्डले दिएको २ सय १६ रनको लक्ष्य क्यानडाले ४० दशमलब ३ ओभरमा ३ विकेट गुमाएर पूरा गर्यो ।
आठ राष्ट्र सहभागी लिग टू मा क्यानडा २ खेलमा शतप्रतिशत जित सहित दोस्रो स्थानमा उक्लिएको छ । नामिबिया पहिलो, नेदरल्यान्ड्स तेस्रो र नेपाल चौथो स्थानमा छन् । युएई र स्कटल्यान्ड अंक बिहिन रहँदै तालिकाको पुछारमा छन् ।
नयाँ अंकतालिका
