क्यानडाविरूद्ध नेपालकाे सम्भावित प्लेइङ-११

काठमाडौं । बिहीबारबाट नेपाल र क्यानडाबीचको तीन खेलको ओडिआई सिरिज सुरु हुदैछ । ओडिआई सिरिजमा नेपाल र क्यानडा पहिलो पटक खेल्दै छन् ।

नेपाल र क्यानडाबीचको खेल टियु मैदान कीर्तिपुरमा बिहीबार बिहान सवा नौ मा सुरु हुनेछ । नेपाल र क्यानडाबीचको यो खेल नेपाल ऐतिहासिक बनाउँन चाहन्छ । यसका लागि नेपाल आफ्नो उत्कृष्ट प्लेईङ-११ मैदान उतार्न चाहन्छ । नेपालको सम्भावित प्लेईङ-११ यसप्रकारको हुनसक्छ :

नेपालका ओपनरमा कुशल भुर्तेल र आसिफ शेखले यस खेलमा पनि निरन्तरता पाउने सम्भावना रहेको छ । कुशलको आक्रामक सुरुआत र आसिफको सुझबुझपुर्ण ब्याटिङको अपेक्षा टोलीलाई रहनेछ । तेस्रो नम्बरमा भीम सार्कीले अवसर पाउने सम्भावना रहेको छ । भीमको क्रिजमा टिकेर रहने क्षमताको हरेक तर्फबाट तारिफ हुदै आएको छ । यस खेलमा पनि सोहि लयको अपेक्षा रहने छ ।

चौथो नम्बरमा कप्तान रोहितकुमार पौडेलले आफ्नो स्थान बनाउँन सक्नेछन् । नेपालको ओडिआई ईतिहासका सर्वाधिक सफल ब्याटर पौडेलले १ हजार ४ सय ७४ रन बनाएका छन् । नेपालका लागि पाँचौ नम्बरमा पवन सरार्फले मौका पाउने सम्भावना रहेको छ । भर्खरै सकिएको प्रधानमन्त्री कपमा उनको प्रदर्शन राम्रो रहेको थियो । मध्यक्रममा सम्हालिएर ब्याटिङ गर्न सक्ने राम्रो अफस्पिन बलिङको समेत क्षमता भएका सरार्फले बिहिबारको खेलमा मौका पाउने सम्भावना रहेको छ ।

छैठौं नम्बरमा भने नेपाली ओडिआई क्रिकेटका खम्बा मानिने आरिफ शेखको सम्भावना रहेको छ । शेखले केही ओभर मिडियम पेस बलिङ समेत गर्न सक्छन् । शेखका धेरै महत्वपुर्ण ईनिङको सहयोगमा नेपाल हारबाट टाढा भएको छ । सातौं नम्बरमा अलराउण्डर कुशल मल्ल रहने सम्भावना छ । लामो लामो हिटका लागि चिनिने मल्ल राम्रा फिनिसर समेत हुन् । केही ओभर स्पिन बलिङ गर्न सक्ने मल्लको क्षमता समेत रहेको छ ।

आठौं नम्बरमा तिव्र गतिका बलर सोमपाल कामीले स्थान बनाउँने सम्भावना छ । तल्लो क्रममा रहेर राम्रो ब्याटिङको समेत क्षमता राख्ने कामीले फास्ट बलिङमा टोलीको नेतृत्व गर्ने छन् । नवौं नम्बरमा हेमन्त धामी रहने सम्भावना रहेको छ । यदी धामीले यस खेलमा स्थान बनाएमा यो उनको डेब्यु खेल समेत हुनेछ । धामीले यू-१९ विश्वकपमा स्थान बनाए पनि चोटका कारण अन्तिम समयमा आफ्नो नाम फिर्ता लिएका थिए ।

आकाश चन्दले बिहीबारको खेलमा दशौं नम्बरमा आफ्नो स्थान बनाउँने सम्भावना रहेको छ । जारी यू१९ विश्वकप राम्रो प्रदर्शन गरेका चन्दले यस खेलमा मौका पाएमा यो खेल उनको डेब्यु खेल समेत हुनेछ । आकाश यू-१९ विश्वकपमा कुनै पनि टेस्ट राष्ट्रविरुद्ध एकै खेलमा ५ विकेट लिने पहिलो बलर बनेका थिए । नेपाली टोलीको एघारौं नम्बरमा देब्रे हाते स्पिनर ललितनारायण राजवंशी रहने सम्भावना रहेको छ । राजवंशीको प्रधानमन्त्री कपको प्रदर्शन तथा राष्ट्रिय टोलीबाट यस अघि हुदै आएको प्रदर्शन हेर्दा उनी टोलीमा पर्ने सम्भावना रहेको छ ।

नेपालको सम्भावित प्लेईङ-११ :

आसिफ शेख(विकेटकिपर), कुशल भुर्तेल, भीम सार्की, रोहित पौडेल(कप्तान), पवन सरार्फ, आरिफ शेख, कुशल मल्ल, सोमपाल कामी, हेमन्त धामी, आकाश चन्द, ललितनारायण राजवंशी ।





थप समाचार

नेपाल ए विरुद्धको सिरिज क्यानडालाई

काठमाडौं । क्यानडा-११ ले नेपाल ए विरुद्धको तीन खेलको एकदिवसीय सिरिज २-१ ले जितेको छ । मुलपानी क्रिकेट मैदानमा भएको […]

सिरिज जित्न नेपालद्वारा क्यानडालाई १८२ रनको लक्ष्य

काठमाडौं । क्यानडा-११ विरुद्ध सिरिज जित्नका लागि नेपालले १ सय ८२ रनको लक्ष्य प्रस्तुत गरेको छ । मुलपानी क्रिकेट मैदानमा […]

नेपालले टस हार्यो, जोरा कप्तानमा निरन्तर

काठमाडौं । क्यानडा-११ विरुद्धको तीन खेलको एकदिवसीय सिरिजको अन्तिम खेलमा नेपालले टस हारेको छ । अन्तिम तथा निर्णायक खेलमा नेपालले […]

डिसिएल–२ को मुख्य प्रायोजकमा नेपाल टेलिकम

दाङ । दाङमा हुन लागेको लुम्बिनी प्रदेशकै सबैभन्दा ठूलो प्रतियोगिता दाङ क्रिकेट लिग (डिसिएल)-२ को मुख्य प्रायोजकमा नेपाल टेलिकम आबद्ध […]

नेपालमाथि नामिबियाको लगातार दोस्रो जित

काठमाडौं । नामिबियाले नेपालमाथि लगातार दोस्रो खेलमा जित निकालेको छ । टियु मैदान कीर्तिपुरमा भएको विश्वकप लिग टु अन्तर्गतको त्रिकोणात्मक […]

आशिफको अर्धशतकमा नामिबियालाई १६९ रनको लक्ष्य

काठमाडौं । ओपनर आशिफ शेखको अर्धशतकको सहयोगमा नेपालले नामिबियालाई १ सय ६९ रनको लक्ष्य दिएको छ । टियु मैदान कीर्तिपुरमा […]