काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ ।
घरेलु मैदान अरुण जेट्ली क्रिकेट स्टेडियममा दिल्लीले ४ रनको जित हात पारेको हो ।
दिल्लीले दिएको २ सय २५ रनको लक्ष्य पछ्याएको गुजरातले निर्धारित २० ओभरमा ८ विकेट गुमाएर २ सय २० रन मात्र बनाउन सक्यो ।
गुजरातका लागि साई सुदर्शन र डेबिड मिलरले अर्धशतकीय ईनिङ खेले पनि टोलीलाई जित दिलाउन सकेनन् । सुदर्शनले ३९ बलमा ७ चौका र २ छक्काको सहयोगमा ६५ रन बनाए । मिलरले २३ बलमा ६ चौका र ३ छक्काको सहयोगमा ५५ रन बनाए ।
ओपनर रिद्धिमान शाहले २५ बलमा ५ चौका र १ छक्काको सहयोगमा ३९ रन बनाए । राशिद खानले ११ बलमा ३ चौका र १ छक्काको सहयोगमा अविजित २१ रन बनाए । साई किशोरले ६ बलमा २ छक्काको सहयोगमा १३ रन बनाए । अन्तिम ओभरमा १९ रन चाहिएको अवस्थामा राशिद खानले
दिल्लीका लागि रसिक सलामले तीन तथा कुलदिप यादवले दुई विकेट लिए । एनरिक नोर्किया र अक्षर पटेलले समान एक एक विकेट लिए ।
त्यसअघि टस हारेर पहिले ब्याटिङ गरेको दिल्लीले निर्धारित २० ओभरमा ४ विकेट गुमाएर २ सय २४ रन बनाएको थियो ।
दिल्लीका लागि रिषभ पन्त र अक्षर पटेलले अर्धशतकीय ईनिङ खेले । कप्तान पन्तले ४३ बलमा ५ चौका र ८ छक्काको सहयोगमा अविजित ८८ रन बनाए । पटेलले ४३ बलमा ५ चौका र ४ छक्काको सहयोगमा ६६ रन बनाए । पटेल र पन्तले चौथो विकेटका लागि ६८ बलमा १ सय १३ रनको महत्तवपुर्ण शतकीय साझेदारी गरे ।
ट्रिस्टन स्टब्सले ७ बलमा ३ चौका र २ छक्काको सहयोगमा अविजित २६ रन बनाए । जेक फ्रेजरले १४ बलमा २३ तथा पृथ्वी शाले ७ बलमा ११ रन बनाए । पाँचौ विकेटका लागि पन्त र स्टब्सले अविजित ६७ रनको साझेदारी गरे ।
गुजरातका लागि सन्दीप वारियर्सले तीन तथा नुर अहमदले एक विकेट लिए ।
नवौ खेलमा चौथो जितका साथ दिल्ली अंक तालिकाको छैटौं स्थानमा उक्लिएको छ । नवौं खेलमा पाँचौ हारका साथ गुजरात सातौं स्थानमा झरेको छ ।
जारी संस्करणमा दोस्रो पटक आमने सामने भएका हुन् । गत साता भएको पहिलो भेटमा पनि दिल्लीले गुजरातलाई पराजित गरेको थियो ।
