नेपाललाई स्तब्ध बनाउँदै नेदरल्यान्ड्स च्याम्पियन

काठमाडौं । नेपाललाई हराउँदै नेदरल्यान्ड्सले त्रिदेशीय सिरिजको उपाधी जितेको छ ।

नेपाल, नामिबिया र नेदरल्यान्ड्स सहभागी सिरिजमा घरेलु टाेलीलाइ स्तब्ध बनाउँदै नेदरल्यान्ड्स च्याम्पियन भएकाे हाे ।

टियु क्रिकेट मैदान कीर्तिपुरमा भएको फाइनल खेलमा नेपाललाई नेदरल्यान्ड्सले ४ विकेटले पराजित गर्यो ।

नेपालले दिएको १ सय ८५ रनको लक्ष्य नेदरल्यान्ड्सले १९ दशमलब ३ ओभरमा ६ विकेट गुमाएर पूरा गर्यो ।

नेदरल्यान्ड्सका लागि ओपनर माईकल लिभेन्टले २९ बलमा ६ चौका र ३ छक्काको सहयोगमा ५४ रनको अर्धशतकीय ईनिङ खेले । करियरको दोस्रो अर्धशतक उनले २३ बलमा पूरा गरेका थिए । अर्धशतक प्रहार गर्दै उनी कुशल मल्लको बलमा आउट भए । अर्का ओपनर म्याक्स ओडाउडले २३ बलमा २२ रन बनाए । दुवै ओपनर कुशल मल्लको बलमा आउट भएका थिए ।

साईब्रान्ड एङ्गलब्रेख्तले २९ बलमा ४८ रन बनाए । ४८ रन बनाउँदै साईब्रान्ड एङ्गलब्रेख्त कुशल मल्लको बलमा आउट भए ।

विक्रमजित सिंहले २३ बलमा ३ छक्काको सहयोगमा २९ रन बनाए । सिंह अभिनास बोहोराको बलमा कुशल मल्लबाट क्याच आउट भए ।

कुशल मल्लले नवौं ओभरमा दुई विकेट लिएसँगै खेल नेपालको पक्षमा आएको अनुमान गरिएको थियो । एघारौं ओभरमा विक्रमजित सिंहले कुशललाई नै लगातार तीन छक्का प्रहार गरेसँगै खेल नेदरल्यान्ड्सको पक्षमा गएको थियो ।

नेपालका लागि कुशल मल्लले ४ तथा अभिनाश बोहोरा र दीपेन्द्रसिंह ऐरीले समान १/१ विकेट लिए ।

त्यसअघि टस जितेर पहिले ब्याटिङ गरेको नेपालले निर्धारित २० ओभरमा ८ विकेट गुमाएर १ सय ८४ रन बनाएको थियो ।

नेपालका लागि ओपनर आसिफ शेखले ३७ बलमा १ चौका र ३ छक्काको सहयोगमा ४७ रन बनाए । ओपनर आसिफ माईकल लिभेन्टको बलमा एलबीडब्लु आउट भए । गुलसन झाले २५ बलमा ३ छक्काको सहयोगमा ३४ रन बनाए । झा फ्रेड केल्सनको बलमा आउट भए ।

कप्तान रोहितकुमार पौडेलले १९ बलमा ३ चौका र १ छक्काको सहयोगमा माईकल लिभेन्टको बलमा आउट भए । अर्का ओपनर कुशल भुर्तेलले १० बलमा १ चौका र २ छक्काको सहयोगमा २० रन बनाए ।

आज जन्मदिन मनाईरहेका कुशल मल्लले ११ बलमा ३ छक्काको २६ सहयोगमा रन बनाए । मल्ल साईब्रान्ड एङ्गलब्रेख्तको बलमा आउट भए । करण केसीले ४ बलमा १ छक्काको सहयोगमा ९ रन बनाए । केसी एङ्गलब्रेख्तको बलमा आउट भए ।

सोमपाल कामी ५ बलमा ६ रनमा अविजित रहँदा प्रतिश जिसी पनि ६ रनमा अविजित रहे ।

नेदरल्यान्ड्सका लागि साईब्रान्ड एङ्गलब्रेख्त, फ्रेड क्लासन, टिम भान डेर गुन्टेन, शरिज अहमद र माईकल लिभेन्टले समान २/२ विकेट लिए ।

 





थप समाचार

लखनाउमाथि दिल्लीको सहज जित

काठमाडौं । १७ औं संस्करणको इन्डियन प्रिमियर लिग(आइपीएल) को २६ औं खेलमा लखनाउ सुपर जायन्ट्समाथि दिल्ली क्यापिटल्सले जित हात पारेको […]

लखनाउले दिल्लीलाई दियो १६८ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल) को २६ औं खेलमा लखनाउ सुपर जायन्ट्सले दिल्ली क्यापिटल्सलाई १ सय ६८ […]

मलेसियामाथि नेपालको जित

काठमाडौं । एसीसी मेन्स प्रिमियर कपको पहिलो खेलमा मलेसियालाई हराउँदै नेपालले प्रतियोगिताको सुखद सुरुआत गरेको छ । ओमानको मस्कटमा भएको […]

मलेसियाले दियो नेपाललाई १४४ रनको लक्ष्य

काठमाडौं । एसीसी मेन्स प्रिमियर कपको पहिलो खेलमा मलेसियाले नेपाललाई १ सय ४४ रनको लक्ष्य दिएको छ । ओमानका मस्कटमा […]

नेपालले टस हार्यो

काठमाडौं । एसीसी मेन्स प्रिमियर कप २०२४ को पहिलो खेलमा मलेसियाविरुद्ध नेपालले टस हारेको छ । मलेसियाका कप्तान टस जितेर […]

मलेसियाविरुद्ध नेपालको सम्भावित प्लेईङ-११

काठमाडौं । एसीसी मेन्स प्रिमियर कप आज(शुक्रबार)बाट ओमानमा सुरु हुदै छ । दश राष्ट्रको सहभागीता रहेको यस कपको पहिलो दिन […]