काठमाडौं । विश्वकपको तयारीका लागि वेस्ट इन्डिजमा रहेको नेपाली टोलीले विन्डवर्ड्स भोलक्यान्सविरुद्धको दोस्रो अभ्यास खेलमा १ सय ८० रनको लक्ष्य दिएको छ ।
टस जितेर पहिले ब्याटिङ गरेको नेपालले २० ओभरमा ९ विकेट गुमाएर १ सय ७९ रन बनायो ।
नेपालका लागि अनिलकुमार शाहले २७ बलमा ५० रनको अर्धशतकीय ईनिङ खेले । कप्तान रोहितकुमार पौडेलले ३३ बलमा ४१ रन बनाए ।
ओपनर कुशल भुर्तेलले २८ बलमा ३८ तथा दीपेन्द्रसिंह ऐरीले १४ बलमा २६ रन बनाए ।