काठमाडौं । प्रथम कोशी प्रदेश दिवा-रात्रीकालीन टी–१० क्रिकेट प्रतियोगितामा विराटनगरको प्यान्थर्स क्रिकेट क्लब र एनबीएससी लायन्स क्लब तथा विराट स्पोर्टिगं र पुर्वान्चल क्रिकेट एकेडेमीले विजयी सुरुवात गरेको छ ।
विराटनगर महानगरपालिका–६ को आयोजनामा सोमबारदेखि सुरू प्रतियोगिताको उद्घाटन खेलमा प्यान्थर्सले विराटनगरकै वाइआरसीसी क्रिकेट क्लबलाई ६ रनले र एनवीएससी लायन्सले फुलवारी क्रिकेट क्लबलाई ५० रनले हराउँदै विजयी सुरुवात गरेका हुन् ।
सोमबार नै भएको तेस्रो खेलमा पुर्वान्चलले एलिट क्रिकेट क्लबमाथि १८ रनको जित निकालेको हो । सोमबारै भएको अन्तिम खेलमा विराट स्पोर्टिगंले विराटनगर प्यान्थर्सलाई ५ विकेटले पराजित गर्यो ।
प्रतियोगितामा विभिन्न ७ वटा क्लबको सहभागिता छ र हरेक क्लबमा चार जना भारतीय खेलाडी अनुबन्धित छन ।
प्रतियोगिताको विजेताले ५ लाख र उपविजेताले २ लाख रुपैयाँ पुरस्कार पाउने छन् । दिवा रात्रीकालीन प्रतियोगिता सञ्चालनका लागि विराटनगर ६ बरमपुरामा १२ लाखको लागतमा बाँसको खम्बामा अस्थायी फल्डलाइटको व्यवस्था गरेको छ ।
