पुलिसलाई उपाधी जित्न १८२ रनको लक्ष्य

काठमाडौं । विभागीय टोली नेपाल पुलिसको आर्मी प्रधानमन्त्री कप राष्ट्रिय क्रिकेट प्रतियोगिताको उपाधी जित्न त्रिभुवन आर्मी क्लबबाट १ सय ८२ रनको लक्ष्य पाएको छ ।

टियु मैदानमा जारी फाइनल खेलमा टस हारेर ब्याटिङ गरेको आर्मीले ४९ दशमलब ५ ओभरमा अल आउट हुदै १ सय ८१ रन मात्र बनायो ।

आर्मीका लागि विवेक यादवले ८१ बलमा ६३ रनको अर्धशतकीय ईनिङ खेले । ओपनर इम्रान शेखले ६६ बलमा २८ तथा सोमपाल कामीले ५८ बलमा ४९ रन बनाए । कुशल मल्लले ३२ बलमा १७ रन बनाए । आठौं विकेटका लागि सोमपाल कामी र विवेक यादवबीचको ५९ रनको साझेदारी सर्वाधिक ठूलो साझेदारी रह्यो ।

दशौं विकेटका लागि यादव र जितेन्द्र मुखियाले ४३ रनको साझेदारी गरे ।

टोलीले सात विकेट गुमाएर ६९ रन बनाउँदा क्रिजमा आएका विवेकको उत्कृष्ट पारीको सहयोगमा आर्मी सम्मानजनक योगफलमा पुग्न सफल रह्यो ।

पुलिसका लागि ललितनारायण राजवंशी र कप्तान दीपेन्द्रसिंह ऐरीले समान तीन तीन विकेट लिए । सागर ढकाल, कुशल भुर्तेल र करण केसीले समान एक एक विकेट लिए ।

आर्मीले प्रतियोगिताको सबै फाइनल खेलेको छ । प्रतियोगिताको छैटौं संस्करणसम्म आईपुग्दा उसले सबै फाइनल खेलेको छ । पुलिसको भने यो तेस्रो पटक फाइनलमा स्थान बनाएको हो । २०१७ मा यि दुवै टोलीले खेलेका थिए । तर, वर्षाको कारण पूरा खेल हुन नसकेपछि यी दुवै टोलीले उपाधी बाँडेका थिए ।

हालसम्म दुइ पटक आर्मी र पुलिस फाइनलमा खेलेकामा दुइमा नै पुलिस अपराजित रहेको छ ।

२०१९ मा आर्मीलाई हराउँदै पुलिसले उपाधी जितेको थियो । २०२१ मा एपीएफलाई पराजित गर्दै आर्मीले उपाधि जितेको थियो ।

प्रतियोगिता विजेताले १० लाख र उपविजेताले ५ लाख प्राप्त गर्नेछन् । सर्वोत्कृष्ट खेलाडीले ५० हजार, उत्कृष्ट ब्याटर र बलरले समान २० हजार प्राप्त गर्नेछन् । उदीयमान खेलाडीले १० हजार पाउनेछन् ।





थप समाचार

क्यानडाले पछि पार्यो नेपाललाई

काठमाडौं । विश्वकप लिग टू को अंक तालिकामा क्यानडाले नेपाललाई पछि पारेको छ । युएईमा आजबाट सुरु युएई, क्यानडा र […]

पाँचपोखरी टी-ट्वान्टी प्रतियोगिता : कर्माको ह्याट्रिकमा पाँचपोखरीको सहज जित

काठमाडौं । छैटौँ संस्करणको पाँचपोखरी टी-ट्वान्टी जिल्लास्तरीय क्रिकेट प्रतियोगिताको पाँचौं दिनको खेलमा पाँचपोखरी हिमालयन क्रिकेट क्लब र मेलम्ची नगरपालिका विजयी […]

दाङ क्रिकेट लिग : घोराहीको जितमा दिपेश उत्कृस्ट, दिवान चम्किंदा तुलसीपुर विजयी

दाङको घोराहीमा जारि नेपाल टेलिकम दाङ क्रिकेट लिग(डिसिएल) अन्तर्गत बुधबार सम्पन्न तेश्रो दिनको दुई खेलमा तुलसीपुर रोयल्स र घोराही टाइगर्स […]

रोहित र दीपेन्द्रको अर्धशतक बाबजुद नेपाल पराजित

काठमाडौं । कप्तान रोहित पौडेल र अलराउण्डर दीपेन्द्रसिंह ऐरीको अर्धशतकका बाबजुद नेदरल्यान्ड्सले नेपाललाई पराजित गरेको छ । टियु क्रिकेट मैदान […]

लेभेन्टको अर्धशतकमा नेपाललाई १८५ रनको लक्ष्य

काठमाडौं । ओपनर माईकल लेभेन्टको अर्धशतकको सहयोगमा नेदरल्यान्ड्सले जितका लागि नेपाललाई १ सय ८५ रनको लक्ष्य दिएको छ । टियु […]

नेपालले टस जित्यो, ललित टिममा फर्किए

काठमाडौं । नेपाली टोलीले दोस्रो खेलमा बुधबार नेदरल्यान्ड्सविरुद्ध टस जितेको छ । टियु क्रिकेट मैदानमा कीर्तिपुरमा नेपालका कप्तान रोहितकुमार पोडेलले […]