काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा मुम्बई इन्डियन्सले राजस्थान रोयल्सलाई १ सय ८० रनको लक्ष्य दिएको छ ।
राजस्थानको घरेलु मैदान सवाईमान सिंह क्रिकेट स्टेडियम जयपुरमा टस जितेर पहिले ब्याटिङ गरेको पाहुना टोली मुम्बईले निर्धारित २० ओभरमा ९ विकेट गुमाएर १ सय ७९ रन बनायो ।
मुम्बईका लागि तिलक बर्माले ४५ बलमा ५ चौका र ३ छक्काको सहयोगमा ६५ रनको अर्धशतकीय ईनिङ खेले । बढेराले २४ बलमा ३ चौका र ४ छक्काको सहयोगमा ४९ रन बनाए । ५२ रन बनाएर ४ विकेट गुमाएको अवस्थाबाट बर्मा र बढेराले पाँचौं विकेटका लागि ५५ बलमा ९९ रनको साझेदारी गर्दै टिमलाई मध्यम योगफलसम्म पुर्याए ।
मोहम्मद नाबीले १७ बलमा २ चौका र १ छक्काको सहयोगमा २३ रन बनाए । सुर्यकुमार यादवले ८ बलमा १० तथा कप्तान हार्दिक पान्ड्याले १० बलमा १० रन बनाए ।
राजस्थानका लागि सन्दीप शर्माले ५ तथा ट्रेन्ट बोल्डले २ विकेट लिए । आभेस खान र युजभेन्द्र चहलले समान ११ विकेट लिए ।
यस संस्करणमा दुई टोलीबीचको यो दोस्रो भेट हो । पहिलो भेटमा मुम्बईलाई राजस्थानले पराजित गरेको थियो ।
