सिरिज जित्न नेपालद्वारा क्यानडालाई १८२ रनको लक्ष्य

काठमाडौं । क्यानडा-११ विरुद्ध सिरिज जित्नका लागि नेपालले १ सय ८२ रनको लक्ष्य प्रस्तुत गरेको छ ।

मुलपानी क्रिकेट मैदानमा जारी सिरिजको तेस्रो तथा निर्णायक खेलमा टस हारेर ब्याटिङ गरेको नेपाल ४७ ओभरको अन्तिम बलमा १ सय ८१ रन बनाउँदै अल आउट भयो ।

नेपालका लागि ओपनर आशुतोष घिरैयाले ४८ बलमा २८ रन बनाए । ५ चौका प्रहार गरेका आशुतोष क्यानडाका कप्तान साद वीन जाफरको बलमा आउट भए । अर्का ओपनर अर्जुन कुमालले ५३ बलमा २ चौकाको सहयोगमा २७ रन बनाए । अर्जुन २१ औं ओभरको दोस्रो बलमा डिलोन हेलिङ्गरको बलमा आउट भए ।

बसिर अहमद ४० बलमा २५ रन बनाउँदै रन आउट भए । कप्तान सन्दीप जोराले २८ बलमा ३ चौका र १ छक्काको सहयोगमा २४ रन बनाए । हेलिङ्गरको बलमा २३ औं ओभरको दोस्रो बलमा आउट भए ।

राशिद खानले २५ बलमा १९ रन बनाए । प्रतिश जिशीले २० बलमा १९ रन बनाए । क्यानडाका लागि हर्ष थाकर, डेलिन हेलिङ्गर र निकोलस किर्टनले समान २/२ तथा कप्तान साद वीन जाफर र कलिम सानले समान १/१ विकेट लिए ।

नेपाल ए का लागि अघिल्लो खेलमा कप्तानको जिम्मेवारीमा रहेका सन्दीप जोरा कप्तानमा निरन्तर रहेका छन् । नेपाल ए को प्लेईङ-११ मा चार परिवर्तन भएको थियो । तीन खेलको एकदिवसीय सिरिज १-१ को बराबरीमा रहेको छ । पहिलो खेलमा क्यानडा(११ विजयी हुँदा दोस्रो खेल नेपाल ए ले जितेको थियो । आजको खेलमा विजयी टिमले सिरिजमा जित हात पार्ने हुँदा दुवै टोलीका लागि यो खेल महत्वपुर्ण छ ।

नेपाल ए का लागि दोस्रो एकदिवसीय खेलमा खेलेका किरण ठगुन्ना, मयन यादव, विवेक यादव, रिजन ढकाल बाहिरिएका छन् । प्रशित जिशी, आशुतोष घिरैया, हेमन्त धामी, सुजन थपलिया टोलीमा मौका पाएका छन् ।





थप समाचार

लखनाउमाथि दिल्लीको सहज जित

काठमाडौं । १७ औं संस्करणको इन्डियन प्रिमियर लिग(आइपीएल) को २६ औं खेलमा लखनाउ सुपर जायन्ट्समाथि दिल्ली क्यापिटल्सले जित हात पारेको […]

लखनाउले दिल्लीलाई दियो १६८ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल) को २६ औं खेलमा लखनाउ सुपर जायन्ट्सले दिल्ली क्यापिटल्सलाई १ सय ६८ […]

मलेसियामाथि नेपालको जित

काठमाडौं । एसीसी मेन्स प्रिमियर कपको पहिलो खेलमा मलेसियालाई हराउँदै नेपालले प्रतियोगिताको सुखद सुरुआत गरेको छ । ओमानको मस्कटमा भएको […]

मलेसियाले दियो नेपाललाई १४४ रनको लक्ष्य

काठमाडौं । एसीसी मेन्स प्रिमियर कपको पहिलो खेलमा मलेसियाले नेपाललाई १ सय ४४ रनको लक्ष्य दिएको छ । ओमानका मस्कटमा […]

नेपालले टस हार्यो

काठमाडौं । एसीसी मेन्स प्रिमियर कप २०२४ को पहिलो खेलमा मलेसियाविरुद्ध नेपालले टस हारेको छ । मलेसियाका कप्तान टस जितेर […]

मलेसियाविरुद्ध नेपालको सम्भावित प्लेईङ-११

काठमाडौं । एसीसी मेन्स प्रिमियर कप आज(शुक्रबार)बाट ओमानमा सुरु हुदै छ । दश राष्ट्रको सहभागीता रहेको यस कपको पहिलो दिन […]