काठमाडौं । नेपालले क्यानडाविरुद्ध टस जितेको छ । क्यानडाविरूद्धकाे तीन खेलकाे अाेडिअाइ सिरिजकाे पहिलाे खेलमा नेपालले टस जितेकाे हाे ।
टियु मैदान कीर्तिपुरमा रोहित पौडेलले टस जितेर ब्याटिङ रोजेका हुन् । नेपालका लागि रिजन ढकाल र सुर्य तामाङले ओडिआई डेब्यु गरेका छन् ।
बायाँ हाते बलर रिजनले बागमती प्रदेशबाट खेल्दै प्रधानमन्त्री कप २०२४ मा ९ खेलमा १५ विकेट लिएका थिए । प्रधानमन्त्री कपमा सुर्य तामाङले बागमती प्रदेशबाट खेल्दै ३० विकेट लिएका थिए । बायाँ हाते बलर रिजनले बागमती प्रदेशबाट खेल्दै प्रधानमन्त्री कप २०२४ मा ९ खेलमा १५ विकेट लिएका थिए ।
ओडिआई मान्यताप्राप्त खेलमा नेपाल र क्यानडा पहिलो पटक आमनेसामने हुदैछन् । नेपाल क्यानडासँगको यो खेल ऐतिहासिक बनाउँन चाहन्छ ।
नेपाल र क्यानडाबीचको दोस्रो खेल १० फेब्रुअरी अर्थात माघ २७ मा तथा अन्तिम खेल तथा तेस्रो खेल १२ फेब्रुअरी अर्थात माघ २९ मा हुनेछ ।
नेपालको प्लेईङ-११ :
आसिफ शेख(विकेटकिपर), कुशल भुर्तेल, भीम सार्की, रोहित पौडेल(कप्तान), पवन सरार्फ, आरिफ शेख, कुशल मल्ल, सोमपाल कामी, रिजन ढकाल,सुर्य तामाङ, ललितनारायण राजवंशी ।