- विकेटनेपाल, २१ असार
पवन सर्राफको अलराउण्ड प्रदर्शन मदातले गुरुग्राम स्पोर्ट्स क्लबलाई २४९ रनको ठुलो अन्तरले पराजित गर्दै नेपाल यु-१९ क्रिकेट टिमले भारत भ्रमण अन्तर्गत दोश्रो अभ्यास खेलमा लगातार जित हात पारेको छ l हेर्नुस स्कोरकार्ड
नेपाली टिमले हिजो सम्पन्न पहिलो अभ्यास खेलमा फ्रेन्ड्स स्पोर्ट्स एकेडेमीलाई १२१ रनले पराजित गरेको थियो l
नेपालको जितमा पवन सर्राफले ब्याटिंग तर्फ ४७ तथा बलिंग तर्फ ४ विकेट हात पार्दै प्रमुख भूमिका निभाएका थिए l २२ बलमा सर्राफले ४ छक्का र ३ चौका प्रहार गरेका थिए भने बलिंगमा ६ ओभरमा २ मेडन ओभर सहित मात्र १८ रन खर्चिए l
टस जितेर गौतम बुद्ध युनिभर्सिटी मैदानमा ब्याटिंग गरेको नेपालले निर्धारित ५० ओभरमा ९ विकेट नोक्सानीमा ३३८ रन बनाएको थियो l नेपालको लागि आदील खानले ७५, ओपनर सन्दिप सुनारले ५८ , दिपेन्द्र ऐरीले ४८ रनको योगदान दिएका थिए l आदीलले १०० बलको इनिंगमा २ चौका र २ छक्का प्रहार गरेका थिए l
३३९ रनको बिशाल लक्ष पछ्याउने क्रममा गुरुग्राम स्पोर्ट्स क्लबले २९.१ ओभरमा सम्पूर्ण विकेट गुमाउदै मात्र ८९ रन बनाउन सकेको थियो l
१५ देखि २५ जुलाईसम्म आयोजना हुने आईसीसी यु-१९ बिश्वकप छनौट ( एसिया ) प्रतियोगिताको लागि नेपाली टिम असार ९ गते भारतको नोयडा पुगेको थियो l जुलाई १४ तारिकमा नेपाली टिम भारतबाटै सिंगापुरतर्फ प्रस्थान गर्ने कार्यक्रम रहेको छ l
यो पनि पढ्नुस :-
- डिपीएल, ईपीएलपछि अक्सनमा आधारित अर्को प्रतियोगिता
- मुथैया मुरलीधरनसंगै एउटै प्रतियोगितामा मेहबुब र पारस खेल्ने
