काठमाडौं । अफ्रिकी मुलुक दक्षिण अफ्रिका, जिम्बावे र नामिबियामा संयुक्त रुपमा आयोजना हुने २०२७ को एकदिवसीय विश्वकपको छनोटको रुपमा रहेको आईसीसी विश्वकप लिग टू अन्तर्गत नेपाल, नामिबिया र नेदरल्याण्ड्स सम्मिलित त्रिकोणात्मक सिरिजको नेपालको उत्कृष्ट बलिङमा नेदरल्यान्ड्स १ सय ३७ रनमा अल आउट भएको छ ।
टियु मैदान किर्तिपुरमा टस हारेर पहिले ब्याटिङ गरेको नेदरल्यान्ड्सले ३९ ओभरमा अल आउट हुदै १ सय ३७ रन बनायो ।
नेदरल्यान्ड्सका लागि कप्तान स्कट एडवार्डले ४९ बलमा ३३ रन बनाए । कप्तान एडवार्ड ३४ दशमलब २ ओभरमा कुशल भुर्तेलको बलमा एलबीडब्लु आउट भए ।
बास डि लिडेले ४४ बलमा ३ चौका र १ छक्काको सहयोगमा २७ रन बनाए । ललितनारायण राजवंशीले १९ दशमलब २ ओभरमा नेदरल्यान्ड्सको चौथो विकेट लिए । ललितले ४४ बलमा २७ रन बनाएका बास डि लिडेलाई बोल्ड आउट गराए ।
नेदरल्यान्ड्सले तेस्रो विकेटका रुपमा साइब्रण्ड इन्गलब्रेन्ट ललितनारायण राजवंशीको बलमा आउट भए । उनी ३५ बलमा २३ रन बनाउँदै स्लिपमा अनिल शाहबाट क्याच आउट भए । पहिलो ओभरको तेस्रो बलमा सोमपाल कामीले नेपाललाई पहिलो सफलता दिलाए । उनले नेदरल्यान्ड्सबाट डेब्यु खेल खेलिरहेका मिचेल लेभिटलाई आउट गराए । लेभिट देव खनालबाट क्याच आउट भएका थिए ।
दोस्रो विकेटका रुपमा छैटौं ओभरको अन्तिम बलमा रहेका म्याक्स ओ डाउड रन आउट हुनपुगे । उनी ललितनारायण राजवंशीको बलमा रन आउट भएका थिए । म्याक्सले २१ बलमा १ छक्काको सहयोगमा १० रन बनाएका थिए ।
नेदरल्यान्ड्सले पाँचौं विकेटका रुपमा नोय क्रोस आउट भए । १२ रन बनाएका क्रोसलाई कुशल मल्लले रन आउट गराए । लगत्तै अर्को ओभरमा वेस्ली बारीसी कुशल भुर्तेलको बलमा आउट भए । उनी खाता नै नखोलि आउट भए । नेपालका लागि सातौं सफलता कप्तान रोहितकुमार पौडेलले दिलाएका थिए । पौडेलले २७ दशमलब २ ओभरमा सिराज अहमदलाई बोल्ड आउट गराए । ३३ ओभरको अन्तिम बलमा आर्यान दत्त कुशल भुर्तेलको बलमा आउट भए ।
भिभियन किंग्मा १७ बलमा २ रन बनाउँदै कुशल भुर्तेलको बलमा आउट भएसँगै पहिलो ईनिङ समाप्त भएको थियो ।
नेपालका लागि कुशल भुर्तेलले चार तथा ललितनारायण राजवंशीले दुई विकेट लिए ।
विश्वकप लिग टू मा नेपाल र नेदरल्यान्ड्स पहिलो पटक खेल्दै छन् । एकदिवसीय अन्तराष्ट्रिय ९ओडिआई० मा भने नेपाल र नेदरल्यान्डबीच खेल भईसकेको छ ।
बिहिबार भएको भएको खेलमा टिममा रहेका करण केसी र पवन सर्राफ बाहिरिएका छन् । नेपालको प्लेईङ(११ मा दीपेन्द्रसिंह ऐरी र देव खनाल टिममा फर्किएका छन् ।
हालसम्म नेपाल र नेदरल्यान्डबीचमा तीन ओडिआई खेल भएको छ । तीन मध्ये दुई खेलमा नेदरल्यान्ड्स र एक खेलमा नेपाल विजयी भएको छ । विश्वकपको अघिल्लो छनोटमा टेस्ट राष्ट्रहरुसँगै सुपर लिग खेलेको नेदरल्यान्ड्स लिगको पुछारमा रहदै लिग टू मा झरेको थियो । नेपालमा पहिलो पटक नेदरल्यान्ड्सको टिमले ओडिआई खेल खेल्न लागेको हो । यस खेललाई नेपाल ऐतिहासिक बनाउँन चाहन्छ ।
विश्वकप लिग टू मा पहिलो खेल्दै गरेको नेदरल्यान्ड्सलाई हराउँदै नेपालले अर्को ईतिहास बनाउँने छ ।
