काठमाडौं । २०२७ मा दक्षिण अफ्रिका, जिम्बावे र नामिबियामा आयोजना हुने ओडिआई विश्वकपको छनोटको रुपमा रहेको विश्वकप लिग टू अन्तर्गतको पहिलो त्रिकोणत्मक सिरिजको अन्तिम खेलमा आज(आइतबार) नेपाल र नेदरल्यान्ड्सबीच खेल हुदैछ ।
खेल टियु क्रिकेट मैदान कीर्तिपुरमा बिहान साढे ९ बाट सुरु हुनेछ । सिरिजमा नेपाल, नामिबिया र नेदरल्यान्ड्सको सहभागीता रहेको छ । गत शनिबार सिरिजको खेलमा नेपालले नेदरल्यान्ड्सलाई पराजित गरेको थियो । नामिबियासँग भने दुवै खेलमा नेपाल पराजित भएको थियो । यस खेलमा जित निकाल्दै नेपाल त्रिकोणात्मक सिरिजलाई सुखद बनाउँन चाहन्छ ।
आठ राष्ट्रको सहभागीता रहने लिग टू सिरिजका शीर्ष चार टोलीले सिधै विश्वकप छनोट स्थान बनाउँने भएकोले यो खेल नेपालका लागि महत्वपुर्ण छ । नेदरल्यान्ड्सलाई गत साता मात्र पहिलो पटक नेपालले घरेलु मैदानमा पराजित गरेको थियो ।
घरेलु भुमीमा नेदरल्यान्ड्सविरुद्ध नेपाल लगातार दोस्रो जित निकाल्न चाहन्छ । यसका लागि नेपालले बलियो प्लेईङ-११ मैदान उतार्ने सम्भावना रहेको छ । नामिबियाविरुद्धको बुधबारको खेलबाट नेपालले एक परिवर्तन गर्ने सम्भावना छ । आइतबारको खेलमा देव खनालको स्थानमा आरिफ शेखले मौका पाउने सम्भावना छ ।