काठमाडौं । ओपनर कुशल भुर्तेलको अर्धशतकको सहयोगमा नेपालले नेदरल्यान्ड्सलाई जितका लागि १ सय ७३ रनको लक्ष्य दिएको छ ।
विश्वकप लिग टू सिरिज अन्तर्गत नेपालमा भएको त्रिकोणत्मक सिरिजको अन्तिम खेलमा नेपाल १ सय ७२ रनमा अल आउट भएको हो ।
टस हारेर पहिले ब्याटिङ गरेको नेपाल ४९ दशमलब ३ ओभरमा १ सय ७२ रन बनाउँदै अल आउट भयो ।
नेपालका लागि ओपनर कुशल भुर्तेलले ९३ बलमा ८ चौकाको सहयोगमा ६६ रनको अर्धशतकीय ईनिङ खेले । ओडिआई करियरको आठौं अर्धशतक भुर्तेलले ७७ बलमा ५ चौकाको सहयोगमा पूरा गरेका थिए । ३७ औं ओभरको तेस्रो बलमा भान डर मर्रेको बलमा कुशल आउट भए ।
भुर्तेलले १७ औं ओभरको चौथो बलमा आर्यान दत्तको बलमा म्याक्स ओ डाउडबाट जीवनदान पाएका थिए । क्याच मिस हुँदा भुर्तेल ४३ बलमा ३५ रनमा रहेका थिए । करण केसीले २७ बलमा २७ रन बनाए । केसी आउट भएसँगै नेपाल अल आउट भएकाे थियाे । आरिफ शेखले ५० बलमा २२ रन बनाए । ४९ औं ओभरको दोस्रो बलमा उनी भिभियन किंग्माको बलमा आउट भए ।
नामिबियाविरुद्ध अर्धशतक प्रहार गरेका आशिफ शेख पहिलो विकेटका रुपमा आउट भएका थिए । नवौं ओभरको तेस्रो बलमा भिभियन किंग्माको बलमा आउट भए । शेख व्यक्तिगत १७ रनमा आउट भएका थिए ।
दोस्रो विकेटका रुपमा अनिल शाह आउट भए । ७ रन बनाउँदै शाह भिभियन किंग्माको बलमा बोल्ड आउट भए । शाहले ११ बलको सामना गरेका थिए । तेस्रो विकेटका रुपमा कुशल मल्ल आर्यान दत्तको बलमा एलबीडब्लु आउट भए ।
चौथो विकेटका रुपमा २५ औं ओभरको तेस्रो बलमा कप्तान पौडेल आर्यान दत्तको बलमा आउट भए । पौडेलले ४० बलमा १६ रन बनाएका थिए । पाँचौ विकेटका रुपमा दीपेन्द्रसिंह ऐरी रन आउट भए । बास डि लिडेको बलमा कुशल भुर्तेलले प्रहार गरेको सट लिडेको खुट्टामा छुदै स्टममा लागेको थियो । ननस्ट्राईकमा रहेका ऐरी क्रिज बाहिर रहेकोले उनी रन आउट भए ।
छैटौं विकेटका रुपमा भीम सार्की ३० औं ओभरको तेस्रो बलमा आउट भए । आठौं विकेटका रुपमा गुलसन झा १७ बलमा ५ रन बनाए । ४३ औं ओभरको दोस्रो बलमा झा आर्यान दत्तको बलमा आउट भए । नवौं विकेटका लागि करण केसी र आरिफ शेखले ३६ रनको साझेदारी गरे ।
नेदरल्यान्ड्सका लागि आर्यान दत्त र भिभियन किंग्माले समान ३/३ तथा बास डि लिडेले २ विकेट लिए । भान डेर मर्रोले १ विकेट लिए । दत्तले शनिबार नेपालविरुद्ध ३ ओभरमा ४४ रन खर्चिएका थिए । सो खेल नेपालले ९ विकेटले जितेको थियो ।
नामिबियाविरुद्ध बुधबारको खेलमा खेलेका दुई जना खेलाडी बेन्चमा रहेका छन् । बुधबारको खेलमा खेलेका सोमपाल कामी र देव खनाल बेन्चमा रहँदा गुलसन झा र आरिफ शेखले मौका पाएका छन् ।
गत शनिबार सिरिजको खेलमा नेपालले नेदरल्यान्ड्सलाई पराजित गरेको थियो । नामिबियासँग भने दुवै खेलमा नेपाल पराजित भएको थियो । यस खेलमा जित निकाल्दै नेपाल त्रिकोणात्मक सिरिजलाई सुखद बनाउँन चाहन्छ ।
आठ राष्ट्रको सहभागीता रहने लिग टू सिरिजका शीर्ष चार टोलीले सिधै विश्वकप छनोट स्थान बनाउँने भएकोले यो खेल नेपालका लागि महत्वपुर्ण छ । नेदरल्यान्ड्सलाई गत साता मात्र पहिलो पटक नेपालले घरेलु मैदानमा पराजित गरेको थियो ।
घरेलु भुमीमा नेदरल्यान्ड्सविरुद्ध नेपाल लगातार दोस्रो जित निकाल्न चाहन्छ ।