काठमाडौं । एसीसी प्रिमियर कपमा सहभागी रहने दश टोलीको घोषणा भएको छ ।
शुक्रबारबाट ओमानमा सुरु हुने टी-ट्वान्टी फर्म्याटको एसीसी प्रिमियर कपको लागि मंगलबार सहभागी रहने दश नै टोलीका खेलाडीहरुको नाम घोषणा भएको हो ।
प्रिमियर कपमा आयोजक ओमान, नेपाल, मलेसिया, हङकङ, युएई, बहराइन, कतार कुवेत, कम्बोडिया र साउदी अरेबिया सहभागी रहेका छन् ।
सहभागी दश टोलीलाई दुई समूहमा विभाजन गरएको छ । नेपाल समूह ए मा रहेको छ । नेपाल रहेको समूहमा मलेसिया, हङकङ, साउदी अरेबिया र कतार छन् ।
समूह बी मा आयोजक ओमानसहित युएई, कुवेत, कम्बोडिया र बहराइन छन् ।
प्रतियोगितामा नेपालको पहिलो खेल शुक्रबार मलेसियासँग अपरान्ह सवा ४ मा रहेको छ । नेपालको दोस्रो खेल बैशाख १ मा कतारसँग रहेको छ । दोस्रो खेल पनि नेपाली समय अनुसार अपरान्ह सवा ४ मा हुनेछ । नेपालले तेस्रो खेलमा बैशाख ३ मा हङकङसँग खेल्नेछ । यो खेल भने नेपाली समय अनुसार बिहान पौने १२ मा हुनेछ ।
समूह चरणको अन्तिम खेलमा नेपालले बैशाख ५ मा साउदी अरेबियासँग खेल्ने छ । यो खेल नेपाली समय अनुसार बिहान पौने १२ मा हुनेछ ।
हरेक समूहका शीर्ष २ टोली सेमिफाइनलमा प्रवेश गर्नेछन् । प्रिमियर कपको विजेता टोलीले एसिया कपमा स्थान बनाउनेछन् । यस संस्करणको एसिया कप टी-ट्वान्टी फर्म्याटमा हुनेछ ।
एसीसी मेन्स प्रिमियर कपमा सहभागी रहने दश टोलीका खेलाडी यसप्रकार रहेका छन् ।
नेपाल
मलेसिया
ओमान
युएई
हङकङ
बहराइन
कतार
कुवेत
कम्बोडिया
साउदी अरेबिया