काठमाडौं । ओपनर जोस बटलरको शतकको सहयोगमा राजस्थान रोयल्सले कोलकाता नाईटराईडर्सलाई पराजित गर्दै शीर्ष स्थानमा कायमै रहेको छ ।
कोलकाताको घरेलु मैदान इडन ग्रार्डेन क्रिकेट स्टेडियममा भएको खेलमा राजस्थान २ विकेटले विजयी भएको हो ।
कोलकाताले दिएको २ सय २४ रनको लक्ष्य पाहुना टोली राजस्थानले निर्धारित २० ओभरको अन्तिम बलमा पुरा गर्यो ।
राजस्थानका लागि ओपनर जोस बटलरले ५६ बलमा १३ चौका र ६ छक्काको सहयोगमा १ सय ९ रनको शतकीय ईनिङ खेले । रियान परागले १४ बलमा ४ चौका र २ छक्काको सहयोगमा ३४ रन बनाए ।
तेस्रो विकेटका लागि पराग र बटलरले २२ बलमा ५० रनको साझेदारीका साथ टोलीलाई बलियो स्थितीमा पुर्याएका थिए ।
रोभमन पावलले १३ बलमा १ चौका र ३ छक्काको सहयोगमा २६ रन बनाए । सातौं विकेटका लागि बटलर र पावेलले २७ बलमा ५७ रनको साझेदारी गरे ।
कोलकाताका लागि हर्षित राना, सुनिल नारायण र वरुण चक्रवर्तीले समान दुई दुई तथा वैभव अरोरा एक विकेट लिए ।
त्यसअघि टस हारेर पहिले ब्याटिङ गरेको कोलकाताले निर्धारित २० ओभरमा ६ विकेट गुमाएर २ सय २३ रन बनाएको थियो ।
कोलकाताका लागि ओपनर सुनिल नारायणले ५६ बलमा १३ चौका र ६ छक्काको सहयोगमा १ सय ९ रनको शतकीय ईनिङ खेले । आइपीएल करियरको पहिलो शतक सुनिलले ४९ बलमा ११ चौका र ६ छक्काको सहयोगमा पुरा गरे ।
आन्द्रे रसेलले १० बलमा २ चौकाको सहयोगमा १३ रन बनाए । चौथो विकेटका लागि नारायण र रसेलले १९ बलमा ५१ रनको साझेदारी गरे । अंगकृष्न रघुवंशीले १८ बलमा ५ चौकाको सहयोगमा ३० रन बनाए । दोस्रो विकेटका लागि नारायण र रघुवंशीले ४३ बलमा ८५ रनको साझेदारी गरे ।
रिंकु सिहले ९ बलमा १ चौका र २ छक्काको सहयोगमा अविजित २० रन बनाए । कप्तान श्रेयस अय्यरले ७ बलमा ११ तथा ओपनर फिलिप साल्टले १३ बलमा १० रन बनाए ।
राजस्थानका लागि आवेश खान र कुलदिप सेन समान दुई दुई तथा ट्रेन्ट बोल्ड र युजभेन्द्र चहलले समान एक एक विकेट लिए ।
सातौं खेलमा छ जितका साथ राजस्थान पहिलो स्थानमा कायमै छ । छ खेलमा दोस्रो हारमा कोलकाता आठ अंकका साथ दोस्रो स्थानमा कायमै छ ।
