काठमाडौं । १७ औं संस्करणको इन्डियन प्रिमियर लिग(आइपीएल)को ३७ औं खेलमा गुजरात टाईटन्सले पञ्जाब किंग्समाथि जित निकालेको छ ।
पञ्जाबको घरेलु मैदान मुल्लापुरमा गुजरातले ३ विकेटको जित निकाल्यो ।
पञ्जाबले दिएको १ सय ४३ रनको लक्ष्य गुजरातले १९ दशमलब १ ओभरमा ७ विकेट गुमाएर पुरा गर्यो ।
गुजरातका लागि कप्तान शुभमन गिलले २९ बलमा ५ चौकाको सहयोगमा ३५ रन बनाए । राहुल तिवातियाले १८ बलमा अविजित ३६ तथा साइ सुदर्शनले ३४ बलमा ३१ रन बनाए ।
पञ्जाबका लागि हर्षल पटेलले तीन तथा लियम लिभिङ्स्टोन दुई विकेट लिए । साम करन, अर्शदिप सिंहले समान एक एक विकेट लिए ।
त्यसअघि टस जितेर पहिले ब्याटिङ गरेको पञ्जाबले २० औं ओभरको अन्तिम बलमा १ सय ४२ रनमा अल आउट भएको थियो ।
पञ्जाबका लागि प्रभसिमरन सिंहले २१ बलमा सर्वाधिक ३५ तथा अर्का ओपनर तथा हरप्रित ब्रारले १२ बलमा ४ चौका र १ छक्काको सहयोगमा २९ रन बनाए ।
टोलीका कप्तान साम करनले १९ बलमा २० रन बनाए । जितेश शर्माले १२ बलमा १३ तथा हरप्रित सिंहले १९ बलमा १४ रन बनाए ।
गुजरातका लागि साइ किशोरले चार तथा मोहित शर्मा र नुर अहमदले समान दुई दुई विकेट लिए ।
आठौं खेलमा चौथो जितका साथ गुजरात छैटौं स्थानमा उक्लिएको छ । आठौं खेलमा छैटौं हारका साथ पञ्जाब पुछारबाट दोस्रो स्थानमा छ ।