अस्ट्रेलियालाई पहिलो पटक टि-२० विश्वकपको उपाधि

न्युजिल्यान्डलाई ८ विकेटले पराजित गर्दै अस्ट्रेलियाले पहिलो पटक टि-२० विश्वकपको उपाधि जितेको छ।

एकदिवसीय विश्वकपको उपाधि ५ पटक जितेको अस्ट्रेलियाले टि-२० विश्वकपको उपाधि जित्न सातौँ संस्करण कुर्नु पर्यो। यस अघि सन् २०१० को टि-२० विश्वकपमा फाइनल पुगेको अस्ट्रेलिया इंग्ल्यान्डसंग पराजित भएको थियो।

युएईको दुबई अन्तर्राष्ट्रिय स्टेडियममा न्युजिल्यान्डले दिएको १७३ रनको लक्ष्य अस्ट्रेलियाले मात्र २ विकेट क्षेतीमा १८.५ ओभरमा पुरा गर्यो।

अस्ट्रेलियाको ब्याटिंगमा मिचेल मार्शले अविजित रहँदै सर्वाधिक ७७ रन बनाए जुन क्रममा ५० बलमा ६ चौका र ४ छक्का प्रहार गरे। डेभिड वार्नरले ३८ बलमा ४ चौका र ३ छक्का मद्दतले ५३ रन बनाए। ग्लेन म्याक्सवेलले १८ बलमा ४ चौका र १ छक्का मद्दतले अविजित २८ रन बनाए।

३१ बलमा अर्धशतक पुरा गरेको उनि टि-२० विश्वकप इतिहासमै सबैभन्दा छिटो अर्धशतक बनाउने ब्याट्सम्यान बनेका छन्। खेलमा न्युजिल्यान्ड कप्तान विलियमसनले ३२ बलमा अर्धशतक बनाउदै बनाएको कीर्तिमान उनले एकै खेलमा तोडेका हुन्।

ओपनर आरोन फिंच मात्र ५ रन बनाएर तेश्रो ओभरमा ट्रेन्ट बोल्टबाट क्याच आउट भएपछि वार्नर र मार्शले दोश्रो विकेटको लागि ५९ बलमा ९२ रनको उत्कृस्ट साझेदारी गरे। तेह्रौं ओभरमा वार्नरलाई बोल्टले बोल्ड गरे। तेश्रो विकेटको लागि मार्श र म्याक्सवेलले ६६ रनको साझेदारी गर्दै टिमलाई जितसम्म पुर्याए।

न्युजिल्यान्ड बलर ट्रेन्ट बोल्टले २ विकेट ( ४-०-१८-२ ) लिए।

यस अघि टस हारेर ब्याटिंग गरेको न्युजिल्यान्डले निर्धारित २० ओभरमा ४ विकेट क्षेतीमा १७२ रन बनाएको थियो।

न्युजिल्यान्डको ब्याटिंगमा कप्तान केन विलियमसनले सर्वाधिक ८५ रन बनाए जुन क्रममा ४८ बलमा १० चौका र ३ छक्का प्रहार गरे। मार्टिन गप्टिलले २८, ग्लेन फिलिप्सले १८, जेम्स निशमले अविजित १३, डेरेल मिचेलले ११ रन तथा टिम सेफर्टले अविजित ८ रन बनाए।

केन विलियमसनले ८५ रन बनाए

विलियमसनको स्कोर टि-२० विश्वकपको फाइनलमा इतिहासकै संयुक्त रुपमा सर्वाधिक व्यक्तिगत स्कोर हो। २०१६ टि-२० विश्वकप फाइनलमा मार्लन स्यामएल्सले पनि समान ८५ रन बनाएका थिए।

सुस्त सुरुवात गरेको न्युजिल्यान्डले पहिलो ६ ओभरमा १ विकेट गुमाएर ३२ रन बनायो। चौंथो ओभरमा ओपनर डेरेल मिचेललाई जोश हेजलवुडले क्याच आउट गरे। विलियमसनले दोश्रो विकेटको लागि गप्टिलसंग ४८ रनको साझेदारी गरे। बाह्रौं ओभरमा गप्टिललाई एडम जाम्पाले क्याच आउट पारे। तेश्रो विकेटको लागि विलियमसनले फिलिप्ससंग मात्र ३७ बलमा ६८ रनको साझेदारी गरे। अठारौं ओभरमा हेजलवुडले फिलिप्स र विलियमसन दुवैलाई क्याच आउट पारे। अन्तिममा टिम सेफर्ट र जेम्स निशमले १३ बलमा अविजित २४ रनको साझेदारी गरे।

अस्ट्रेलियाको बलिंगमा जोश हेजलवुडले सर्वाधिक ३ विकेट लिए जुन क्रममा ४ ओभरमा मात्र १६ रन खर्चिए। एडम जाम्पाले १ विकेट ( ४-०-२६-१ ) लिए। महँगो सावित भएका मिचेल स्टार्कले ४ ओभरमा ६० रन खर्चिए।





थप समाचार

Team11 लिडरबोर्ड च्यालेन्ज सुरु, Lvneng LX02 स्कूटर जित्ने सुनौलो मौका

नेपाली क्रिकेटप्रेमीहरूका लागि अब ‘आईपीएल’ सिजन अझ रोमाञ्चक बन्ने भएको छ। Fantasy खेलमा भाग लिएर लाखौं रुपैयाँ मूल्यका पुरस्कार जित्न […]

एमएम कप : गोकुलको अलराउण्ड प्रदर्शनमा आसामद्वारा कोशी पराजित

बिराटनगरमा जारि एमएम कप एकदिवसीय राष्ट्रिय प्रतियोगिता अन्तर्गत बुधबार सम्पन्न खेलमा भारतको आसाम क्रिकेट क्लबले जित दर्ता गरेको छ। बैजनाथपुर […]

दिल्लीमाथि कोलकोताको जित

काठमाडौँ । इन्डियन प्रिमियर लिग (आइपिएल) मा कोलकोता नाइट राइडर्सले दिल्ली क्यापिटल्सलाई पराजित गरेको छ। गएराती सम्पन्न खेलमा कोलकोताले दिल्लीलाई […]

एमएम कप : कोशी प्रदेशसंग पुलिस स्तब्ध

विभागीय टोलि नेपाल पुलिस क्लब विरुद्ध एकदिवसीय राष्ट्रिय प्रतियोगितामा ऐतिहासिक पहिलो जित दर्ता गर्दै कोशी प्रदेशले एमएम कप एकदिवसीय राष्ट्रिय […]

वैभवको शानदार शतकमा राजस्थान विजयी

काठमाडौं। इन्डियन प्रिमियर लिग (आइपिएल) मा राजस्थान रोयल्सले जित हात पारेको छ। राजस्थानका युवा खेलाडी वैभव सूर्यवंशी र जयसवालले शानदार […]

नरेन चम्किंदा आर्मी एमएम कपको फाइनलमा

विभागीय टोलि त्रिभुवन आर्मी क्लब बिराटनगरमा जारि एमएम कप एकदिवसीय राष्ट्रिय प्रतियोगिताको तेश्रो संस्करणको फाइनल प्रवेश गरेको छ। डिफेन्डिङ च्याम्पियन […]