काठमाडौं । ओमानमा जारी एसीसी प्रिमियर कपको समूह चरणको अन्तिम खेलमा नेपालले आज (बुधबार) साउदी अरेबियाको सामना गर्दै छ ।
ओमानको मस्कटमा हुने खेल नेपाली समय अनुसार पौने १२ बाट सुरु हुनेछ ।
टी-२० आईमा नेपाल र साउदी पहिलो पटक आमने सामने हुदैछन् । नेपालले समूह चरणका तीन खेलमा शतप्रतिशत नतिजाका साथ समूहको शीर्ष स्थानमा रहँदै सेमिफाइनलमा स्थान पक्का गरिसकेको छ ।
साउदीका लागि सेमिफाइनलमा स्थान पक्का गर्न नेपाललाई हराउँनुको मलेसिया र हङकङबीचको खेलको नतिजा पनि आफ्नै पक्षमा रहनु पर्ने छ ।
नेपालले पहिलो खेलमा मलेसिया दोस्रो तथा तेस्रो खेलमा क्रमशः कतार र हङकङलाई पराजित गरेको थियो । उता, साउदी पहिलो खेलमा मलेसियासँग पराजित हुँदा दोस्रो खेलमा बलियो टोली हङकङलाई पराजित गरेको थियो । तेस्रो खेलमा कतारसँग पराजित साउदीलाई सेमिफाइनल सम्भावना कायम राख्न नेपाललाई पराजित गर्ने पर्ने दबाबमा छ ।
नेपाल समूह बिजेताको रुपमा सेमिफाइनल प्रवेश गरिसकेकाले दबाब बिना खेल्नेछ । प्रतियोगिताको दुवै सेमिफाइनल खेल शुक्रबार तथा तेस्रो स्थानको खेल शनिबार हुनेछ । प्रतियोगिताको फाइनल खेल आईतबार हुनेछ । उपाधी बिजेता टोली २०२५ मा हुने एसिया कप खेल्नेछ ।
शीर्ष तीनमा रहने टोलीले एसीसी ईमजिङ्ग कपमा स्थान बनाउने छ ।
नेपाली टोली :
रोहितकुमार पौडेल(कप्तान), कुशल भुर्तेल, आसिफ शेख, कुशल मल्ल, सन्दीप जोरा, विवेक यादव, गुलसन झा, अनिल शाह, दीपेन्द्रसिंह ऐरी, ललितनारायण राजवंशी, प्रतिश जिसी, करण केसी, सोमपाल कामी, अभिनास बाहोरा ।