काठमाडौं । १७ औं संस्करणको इन्डियन प्रिमियर लिग(आइपीएल) को ४२ औं खेलमा कोलकाता नाईटराईडर्समाथि पञ्जाब किंग्सले ऐतिहासिक जित हात पारेको छ ।
कोलकाताको घरेलु मैदान इडन ग्राडेन क्रिकेट स्टेडियममा भएको खेलमा पञ्जाबले विकेटको सानदार जित दर्ता गरेको छ ।
कोलकाताले दिएको २ सय ६२ रनको लक्ष्य पञ्जाबले १८ दशमलब ४ ओभरमा २ विकेट गुमाएर पुरा गर्यो ।
पञ्जाबका लागि जोनि बेयस्ट्रोले ४८ बलमा ८ चौका र ९ छक्काको सहयोगमा १ सय ८ रनको शतकीय ईनिङ खेले । ओपनर प्रभसिमरन सिंह र शंशाक सिंहले अर्धशतकीय ईनिङ खेले । शंशाकले २८ बलमा २ चौका र ८ छक्काको सहयोगमा अविजित ६८ रन बनाए । सिंह र बेयस्ट्रोले तेस्रो विकेटका लागि ३७ बलमा अविजित ८४ रनको विजयी साझेदारी गरे ।
प्रभसिमरनले २० बलमा ५ चौका र ४ छक्काको सहयोगमा ५४ रन बनाए । आइपीएल इतिहासमा भएको यो सर्वाधिक ठूलो लक्ष्य भेट्याईएको खेल हो ।
त्यसअघि टस हारेर पहिले ब्याटिङ गरेको कोलकाताले निर्धारित २० ओभरमा ६ विकेट गुमाएर २ सय ६१ रन बनायो ।
कोलकाताका लागि सुनिल नारायण र फिलिप साल्टले अर्धशतकीय ईनिङ खेले । साल्टले ३७ बलमा ६ चौका र ६ छक्काको सहयोगमा ७५ रन बनाए । नारायणले ३२ बलमा ९ चौका र ४ छक्काको सहयोगमा ७१ रन बनाए । पहिलो विकेटका लागि साल्ट र नारायणले ६२ बलमा १ सय ३८ रनको शतकीय साझेदारी गरेका थिए ।
बेङकटेस अय्यरले २३ बलमा ३ चौका र २ छक्काको सहयोगमा ३९ रन बनाए । कप्तान श्रेयस अय्यरले १० बलमा १ चौका र ३ छक्काको सहयोगमा २८ रन बनाए । चौथो विकेटका लागि दुई अय्यरले १८ बलमा ४३ रनको महत्वपुर्ण साझेदारी गरे । आन्द्रे रसेलले १२ बलमा २ चौका र २ छक्काको सहयोगमा २४ रन बनाए ।
पञ्जाबका लागि अर्शदिप सिंहले दुई तथा हर्षल पटेल, साम करन र राहुल चहरले समान एक एक विकेट लिए ।
नौ खेलमा तेस्रो जित हात पारेको पञ्जाब पुछारबाट दोस्रो स्थानमा कायमै छ । आठौं खेलमा तेस्रो हार व्यहोरेको कोलकता दोस्रो स्थानमा कायमै छ ।
