काठमाडौं । चौका र छक्काको वर्षा भएको खेलमा सनराईजर्स हैदराबादले रोयल च्यालेन्जर्स बेंगलुरुलाई पराजित गरेको छ ।
बेंगलुरुको घरेलु मैदान एम चेन्नास्वामीमा हैदराबादले २५ रनको सहज जित निकाल्यो ।
हैदराबादले दिएको २ सय ८८ रनको लक्ष्य पछ्याएको बेंगलुरुले निर्धारित २० ओभरमा ७ विकेट गुमाएर २ सय ६२ रन मात्र बनायो ।
बेंगलुरुका लागि फाफ डु प्लेसिस र दिनेश कार्तिकले अर्धशतकीय ईनिङ खेले । कार्तिकले ३५ बलमा ५ चौका र ७ छक्काको सहयोगमा ८३ रन बनाए । कप्तान प्लेसिसले २८ बलमा ७ चौका र ४ टक्काको सहयोगमा ६२ रन बनाए ।
विराट कोहलीले २० बलमा ६ चौका र २ छक्काको सहयोगमा ४२ रन बनाए । पहिलो विकेटका लागि फाफ र कोहलीले ३८ बलमा ८० रनको साझेदारी गरेका थिए ।
महिपाल लोमरोरले ११ बलमा २ छक्काको सहयोगमा १९ रन बनाए । बेंगलुरुका अन्य ब्याटरले दोहोरो अंकमा रन बनाउन सकेनन् ।
हैदराबादका लागि कप्तान प्याट कमिंसले तीन तथा मंयक मारकन्डेले दुई विकेट लिए । टि नटराजनले एक विकेट लिए ।
त्यसअघि हारेर पहिले ब्याटिङ गरेको पाहुना टोली हैदराबादले निर्धारित २० ओभरमा ३ विकेट गुमाएर २ सय ८७ रन बनाएको थियो ।
हैदराबादले इन्डियन प्रिमियर लिग (आइपीएल)को इतिहासको सबैभन्दा ठूलो योगफल बनाएको थियो । यसअघि यसै सिजनमा मुम्बई इन्डियन्ससँग हैदराबादले नै बनाएको २ सय ७७ रनको योगफल बनाएको थियो ।
हैदराबादका लागि ट्राभिस हेडले ४१ बलमा ९ चौका र ८ छक्काको सहयोगमा १ सय २ रनको शतकीय ईनिङ खेले । हेनरिक क्लासनले ३१ बलमा २ चौका र ७ छक्कको सहयोगमा ६७ रनको अर्धशतकीय ईनिङ खेले ।
दोस्रो विकेटका लागि क्लासन र हेडले २६ बलमा ५७ रन बनाए । ओपनर अभिसेक शर्माले २२ बलमा २ चौका र २ छक्काको सहयोगमा ३४ रन बनाए । पहिलो विकेटका लागि हेड र शर्माले ४९ बलमा १ सय ८ रनको शतकीय साझेदारी गर्दै टोलीलाई विष्फोटक सुरुआत गरेका थिए ।
एडेन माकरमले १७ बलमा २ चौका र २ छक्काको सहयोगमा अविजित ३२ रन बनाए । मारक्रम र क्लासेनले तेस्रो विकेटका लागि ६८ रनको साझेदारी गरेका थिए ।
अब्दुल समादले १० बलमा ४ चौका र ३ छक्काको सहयोगमा अविजित ३७ रन बनाए । मारक्रम र समादले चौथो विकेटका लागि अविजित ५६ रनको साझदारी गरे ।
बेंगलुरुका लागि लकि फर्गुसनले दुई तथा रिच टोप्ली एक विकेट लिए ।
यस खेलमा ४३ चौका र ३८ छक्का प्रहार भएको थियो । हैदराबादले पहिलो ईनिङमा १९ चौका र २२ छक्का प्रहार भएको थियो । भने, बेंगलुरुले आफ्नो इनिङमा २४ चौका र १८ छक्का प्रहार गरेको थियो ।
हैदराबाद छ खेलमा चार जितका साथ चौथो स्थानमा छ । सात खेलमा छैटौं हारका साथ बेंगलुरु पुछारमा छ ।