काठमाडौं । १७ औं संस्करणको ईन्डियन प्रिमियर लिग(आइपीएल)को सातौं खेलमा डिफेन्डिङ च्याम्पियन चेन्नई सुपर किंग्सले गुजरात जाईन्ट्सलाई जितका लागि २ सय ७ रनको लक्ष्य दिएको छ ।
घरेलु मैदान एम ए चितम्बरम क्रिकेट स्टेडियममा टस हारेर ब्याटिङ गरेको चेन्नईले निर्धारित २० ओभरमा ६ विकेट गुमाएर २ सय ६ रन बनायो ।
चेन्नईका लागि शिभम दुवेले २३ बलमा २ चौका र ५ छक्काको सहयोगमा ५१ रनको अर्धशतकीय ईनिङ खेले । ओपनरद्वय रचिन रविन्द्र र कप्तान ऋतुराज गायकवाडले समान ४६/४६ रन बनाए । रविन्द्रले २० बलमा ६ चौका र २ छक्का प्रहार गरे । कप्तान गायकवाडले ३६ बलमा ५ चौका र १ छक्का प्रहार गरे ।
चेन्नईका लागि पहिलो विकेटका लागि ३२ बलमा ६२ रनको सानदार साझेदारी सहित राम्रो सुरुआत भएको थियो । तेस्रो नम्बरमा ब्याटिङमा आएका अजिङ्का राहाणेले १२ बलमा १२ रन बनाए । ड्यारियल मिचेलले २० बलमा २ चौकाको सहयोगमा अविजित २४ रन बनाए । समिर रिज्भिले ६ बलमा २ छक्काको सहयोगमा १४ रन बनाए । रविन्द्र जडेजा ७ रनमा अविजित रहे ।
गुजरातका लागि राशिद खानले २ तथा मोहित शर्मा, स्पेन्सर जोनसन र साई किशोरले समान १/१ विकेट लिए ।
जारी सिजनको आफ्नो पहिलो खेलमा चेन्नई सुपर किंग्सले रोयल च्यालेन्जर्स बेंगलुरुलाई पराजित गरेको थियो । गुजरातले भने पहिलो खेलमा मुम्बई इन्डियन्सलाई पराजित गरेको थियो । दुवै टोली यस खेलमा जित निकाल्दै अपराजित यात्रा कायमै राख्न चाहन्छन् ।
शुभमन गिलको कप्तानी रहेको गुजरात २०२२ को आईपीएल च्याम्पियन हो । गत संस्करणको फाइनलमा यि दुवै टोली भिडेकामा चेन्नईले अन्तिम बलमा रोमान्चक जित निकालेका थियो । ऋतुराज गायकवाडको कप्तानीमा रहेको चेन्नई ५ पटकको च्याम्पियन हो ।
यि दुई टोलीबीच हालसम्म भएका ५ खेलमा गुजरात ३ तथा चेन्नई २ खेलमा विजयी भएको छ ।